БНСУ-ын Ганнам дүүргийн шилдэг зургаан эмнэлгийг танилцууллаа


Тоног төхөөрөмж төдийгүй эмчилгээ, үйлчилгээгээрээ тэргүүлэгч томоохон эмнэлгүүд төвлөрдөг Ганнам дүүрэгт төвтэй шилдэг зургаан эмнэлгийг Монгол Улсад танилцуулах өдөрлөг боллоо. БНСУ-ын аялал жуулчлалын хамгийн чухал бүтээгдэхүүний нэг  нь эрүүл мэндийн үйлчилгээ байдаг. Тийм ч учраас солонгосчууд энэхүү бүтээгдэхүүн, үйлчилгээг  өөрийн орон төдийгүй гаднын улсад таниулан сурталчлах кампанит ажлыг үе шаттайгаар өрнүүлж буй. Энэ хүрээнд  эрүүл мэндийн  тусламж үйлчилгээ, аялал жуулчлалыг хослуулсан эмчилгээний аялал жуулчлалын  салбарын  шилдэг Ганнам дүүргийн   “Ганнам медикал тур” төвийн зүгээс дээрх өдөрлөгийг зохион байгуулсан юм.   Тус өдөрлөгт  бүтээгдэхүүн,  үйлчилгээгээрээ шалгарсан зургаан эмнэлэг оролцож, тус бүрийн үйл ажиллагаа, эмчилгээ, үйлчилгээг тусгайлан танилцуулав.   Тодруулбал,  Ёнсэй их сургуулийн “Ганнам севиранс” эмнэлгийн хувьд хавдар судлал, нуруу, зүрх тархи болон шүдний  гэсэн дөрвөн төрлийн төрөлжсөн  эмнэлэгтэйгээр нийт   47 төрлийн тасаг ажиллуулдаг байна. Харин  “Ганнам Ча” эмнэлэг нь  эх барих, эмэгтэйчүүдийн төрөлжсөн эмнэлэг бөгөөд тэр дундаа үргүйдлийг эмчлэх, үр шилжүүлэн суулгах үйлчилгээг чанарын  өндөр түвшинд үзүүлдэг ажээ.

 Үе мөч, нуруу нугасны “Нанүри эмнэлэг” шүдний  “Livе”,   гоо сайхны “View”,  урологийн  “Стэнтоп” гэсэн тэргүүлэх зэргийн эмнэлгийн төлөөлөл манай улсад хүрэлцэн ирж, танилцуулга хийсэн нь энэ юм.   “Ганнам медикал тур” төвийн хувьд  БНСУ-ын Сөүл хотын төв цэг болох Ангужон хороонд байрладаг бөгөөд Ганнамаар зочилсон гаднын иргэдийг эмнэлгийн тусламж үйлчилгээ авахад нь  цогц үйлчилгээ үзүүлдэг жуулчдын эмчилгээний нэгдсэн төв юм байна. Тэд үйлчлүүлэгчийн  эмчилгээнээс  авахуулаад бүх үйл явцад нь цогц  тусламж үйлчилгээ үзүүлэхийн зэрэгцээ олон төрлийн хэлээр ойлголцох боломжийг хангаж, аман орчуулга ч хийж үйлчилдэг байна.  Мөн эмнэлгүүдийн талаарх мэдээлэл, эмчилгээний явцын зөвлөгөө, эмчилгээний явцад үүсэх асуудлыг зохицуулах, мэргэжлийн түвшний хагалгааны талаар ойлголт өгөх зэргээр үйлчлүүлэгчид шаардлагатай бүх төрлийн үйлчилгээг үзүүлдэг ажээ. Тэр бүү хэл, үйлчлүүлэгчид буудал захиалж өгөх, ойр орчмыг танилцуулах зэргээр  цогцоор үйлчилдэг байна.   Эрүүл мэндийн аялал жуулчлалын хүрээнд  БНСУ-ыг зорин очсон нийт үйлчлүүлэгчийн 40  гаруй хувь нь Ганнам дүүргийн  гоо сайхан, арьс арчилгаа, нүд, ардын уламжлалт эмчилгээ, эрүүл мэндийн багц шинжилгээ зэрэг үйлчилгээг авдаг ажээ.   Эрүүл мэндийн аялал жуулчлалын хөтөлбөрийн хүрээнд  2019 онд л гэхэд гадаадын 131.808 хүн Ганнам дүүрэг дэх эмнэлгүүдээс үйлчилгээ авсан байна. 

Эх сурвалж: Монголын үнэн сонин №031/24562/


0
angry
0
care
1
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Шударга ёсны үзэл санаа, тэмцэлдээ үнэнч байхыг Ерөнхий сайд Л.Оюун-Эр… 5 цагийн өмнө
Баянголын залуус гарааны бизнесийг дэмжих бодлогыг сайшааж байна 6 цагийн өмнө
“Ард түмэн нэгдмэл бас хүчтэйг харуулахын тулд дарханчууд та бүхэн Ерө… 7 цагийн өмнө
Баянзүрхчүүд МАН-ын мөрийн хөтөлбөрийг хэрэгжүүлэхийн тулд нэр дэвшигч… 9 цагийн өмнө
“Ард түмэн ялах уу, бүлэглэл ялах уу” гэдгийг сонгинохайрханчууд шийдн… 10 цагийн өмнө
Налайх, Багануур, Багахангай дүүрэгт ипотекийн 3 хувийн хүүтэй зээл ол… Өчигдөр
Д.Амарбаясгалан: Нэр дэвшигч Г.Сайханбаярын сонгуулийн кампанит ажлыг … Өчигдөр
Баянзүрх дүүргийн иргэд, сонгогчид МАН-ын нэр дэвшигчдэд итгэл хүлээлг… Өчигдөр
Хан-Уулчууд хамтад нь дэмжиж, багаар нь сонгоно гэдгээ илэрхийлсээр ба… Өчигдөр
Иргэд Ерөнхий сайдыг багаар нь сонгохоо илэрхийлж байна Өчигдөр
Хяналт шалгалтад 541 барилга байгууламжийг хамруулан 3385 зөрчлийг илр… Өчигдөр
Лхагва гарагт хууль, эрх зүйн зөвлөгөө үнэ төлбөргүй өгнө Өчигдөр
Улаанбаатарт 27 хэм дулаан байна Өчигдөр
Нэр бүхий бөхчүүдэд улсын цол, чимгийг нөхөн олгов 2024/06/17
М.Дорждэрэм: “International Awards 2024” бол эх орноо сурталчилсан үйл… 2024/06/17
Б.Онончимэг: Энтертайнмент болон загварын агууламжийг хослуулснаараа о… 2024/06/17
БНСУ-ын сургагч багш нар сүүдрийн хүүхэлдэйн урлагийг таниулах сургалт… 2024/06/17
“The Hu” хамтлагийн тоглолтын тасалбарыг худалдаалж эхэлжээ 2024/06/17
Премьер лигийн “Фүлхэм” клуб Монгол Улсыг сурталчилна 2024/06/17
Хутагтуудад зориулан бүтээлгэсэн маркийг танилцуулав 2024/06/17