Б.Зул
Нийслэл хот үүсгэн байгуулагдсаны 383 жилийн ойн барилдаан ганцхан цагийн дараа Монгол бөхийн өргөөнд эхлэх гэж байна. Улс, аймгийн алдар цолтой 256 бөх зодоглох уг барилдаанд улс цолтой 23 бөх барилдахаар бүртгүүлжээ. Наадмаас хойшхи барилдаанд улсын аварга П.Бүрэнтөгс, О.Хангай нар “Алтан цом”-д нутгаа төлөөлөн барилдсан. Үүнийг эс тооцвол МҮБХ-ны хуваарьт албан ёсны барилдаанд анх удаа зодоглох нь ээ.
Аваргуудаас гадна Ардын хувьсгалын 100, 101 жилийн ойн баяр наадмаар шинээр улсын цолонд хүрсэн бөхчүүдээс улсын начин Э.Энх-Амгалан, Б.Мижидсүрэн, харцага Ц.Бямба-Отгон, Г.Бадрах, заан Б.Серик нар нийслэлийн ойд зориулсан барилдаанд хүч үзэх нь ээ.
Түүнчлэн олны анхаарлыг татаж буй нэг бөх нь улсын заан Н.Жаргалбаяр. Түүний хувьд бэртлийн улмаас хоёр жил гаруйн хугацаанд Монгол бөхийн өргөөнд зохион байгуулсан барилдаанд зодоглоогүй байсан юм.
°C
Сэтгэгдэл (0)
Сэтгэгдэл бичигдээгүй байна