Улаанбаатар хотын авто зам дээрх дундаж хурдыг тооцож гаргажээ

Шинэ сэргэлтийн бодлогын Хурдасгуур төвөөс “Шинэ сэргэлтийн бодлого”-ын “Хот хөдөөгийн сэргэлт”-ийн хүрээнд автозамын түгжрэлийг бууруулах холбогдох судалгааны ажлуудыг хийжээ. Энэхүү судалгаагаар Улаанбаатар хотын нийт авто зам дээрх хурдны тооцооллыг шинэлэг арга ашиглаж хийснээрээ онцлогтой юм байна. Тодруулбал, нийтийн тээврийн төлбөрийн мэдээлэлд үндэслэн автобусны картын уншилт бүр дээрх өгөгдөл буюу автобусны чиглэл, төлбөр хийгдсэн хугацаа, суух/буух, автобусны буудлын нэр, буудлын байршил, тээврийн хэрэгслийн ID зэргийг ашиглан хийжээ.

 Товчхондоо нийтийн тээврийн төлбөрийн мэдээллийг ашиглаж Улаанбаатар хотын нийт зам дээрх дундаж хурдыг тооцоолжээ. Гарсан үр дүнгүүдийг бүсчлэлээр харуулбал,
1. Хотын төвийн Их тойруугийн бүс буюу 1-р бүсэд дунджаар 12.4км/цаг – 16.4км/цагийн хурдтай
2. Хотын төвийн хэсгийн зүүн бүсэд дунджаар 14.9км/цаг – 16.4км/цагийн хурдтай
3. Хотын төвийн хэсгийн баруун бүсэд дунджаар 14км/цаг – 16км/цагийн хурдтай
4. Хотын хойд бүсэд дунджаар 17км/цаг – 18км/цагийн хурдтай
5. Хотын зүүн бүсэд дунджаар 20.3км/цаг – 23.3км/цагийн хурдтай
6. Хотын урд бүсэд дунджаар 14.4км/цаг – 16.9км/цагийн хурдтай
7. Хотын баруун урд бүсэд дунджаар 28.6км/цаг – 29км/цагийн хурдтай
8. Хотын баруун хойд бүсэд дунджаар 16.6км/цаг – 17.3км/цагийн хурдтай
9. Хотын зах хэсгийн баруун бүсэд дунджаар 17.9км/цаг – 20.7км/цагийн хурдтай гарчээ.
Дээрх судалгаанаас үзэхэд Их тойруугийн бүсэд өдөрт дунджаар 12.4км/цаг-16.4км/цаг буюу хамгийн бага хурдтай байсан аж. Энэ нь авто машинуудын зам дээр өнгөрүүлж буй хугацаа хамгийн урт, түгжрэлтэй байгааг илэрхийлж байгаа юм.