УИХ дахь МАН-ын бүлгийн өнөөдрийн хуралдаанаар дөрвөн асуудал хэлэлцэж, гишүүд байр сууриа нэгтгэсэн байна. Тус бүлгийн хуралдаанаар Уул уурхайн бүтээгдэхүүний биржийн тухай хуульд нэмэлт, өөрчлөлт оруулах тухай хуулийн төслийг хэлэлцээд, Засгийн газраас эргүүлэн татахаар болсон байна.
Харин Евразын эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийн талаар танилцуулга сонсож, холбогдох байнгын хороогоор хэлэлцэх нь зүйтэй гэж үзжээ.
Монгол Улсад агаарын хөлгийн түлш нийлүүлэх тухай Монгол Улсын Засгийн газар, ОХУ-ын Засгийн газар хоорондын хэлэлцээрийн төсөлд бүлгийн гишүүдээс гаргасан саналуудыг судалж, нарийвчилсан зохицуулалтыг тусгахаар болсон байна. Мөн Гадаад харилцааны яам болон Аж үйлдвэр, эрдэс баялгийн яам хэлэлцээрийг сайжруулах чиглэлд үргэлжлүүлэн ажиллах шаардлагатай гэж шийдвэрлэжээ.
Н.Энх
°C
Сэтгэгдэл (0)
Сэтгэгдэл бичигдээгүй байна