Сагсан бөмбөгийн 3х3 төрлийн “FIBA 3x3 Ulaanbaatar Super Quest 2025” тэмцээний аваргаар “Улаанбаатар Вест” тодорч, Чендүгийн “Их дуулга” тэмцээнд оролцох эрх, 10 мянган ам.долларын мөнгөн шагналын эзэн боллоо. Энэ удаагийн тэмцээнд зургаан орны 12 баг өрсөлдсөнөөс алт, мөнгөн медаль хүртсэн баг Чэндүгийн “Их дуулга”-д оролцох юм. Д.Дэлгэрням, Г.Дөлгөөн, Г.Болор-Эрдэнэ, Б.Төгөлдөр нараар багаа бүрдүүлсэн “Улаанбаатар Вест” баг финалын шатанд өрсөлдөгчөө 21:12-оор буулган авснаар тэмцээний бэлтгэл сургуулилалт ямар байгаагаа харууллаа. “Баянхайрхан Миг” багийнхан тэдэнтэй өрсөлдөж дийлдсэн ч Чэндүгийн “Их дуулга”-д оролцоно. Б.Алтангэрэл, Л.Авирмэд, М.Баасандорж, У.Чингүүн нарын бүрэлдэхүүнтэй “Баянхайрхан Миг”-ийнхэн энэ удаа 6000 ам.долларын шагнал хүртлээ. Энэхүү тэмцээний “Үнэ цэнтэй тоглогч”-оор “Улаанбаатар Вест” багийн Г.Болор-Эрдэнэ тодров.
Эх сурвалж: "Монголын үнэн" сонин №014/24641 дэх дугаарыг ЭНД-ээс уншаарай
°C
Сэтгэгдэл (0)
Сэтгэгдэл бичигдээгүй байна