“Монгол ялна” ард түмний хөдөлгөөнийхөн Төгрөг нуурын ордыг баялгийн санд буцаан авах шаардлагыг УИХ-ын гишүүн Х.Баттулгад хүргүүлж байгаагаа танилцуулав. Баянгол зочид буудлын өмнө цугласан тэд өмнө нь буюу 2016-2017 онд Х.Баттулгыг дэмжигчид байсан гэдгээ өөрсдөө хэлсэн юм. Тэд мэдээлэл хийхдээ “ Х.Баттулгыг дэмжиж явахдаа төмөр замыг нь, 20 мянгаар атар талх зарсныг нь, аж үйлдвэрийн парк гээд бүгдийг нь дэмжиж өмөөрч явсан. Өндөр дүнтэй төсөл, хөтөлбөр, лиценз бүр дээр энэ хүний нэр явдаг ч бид баримт нотолгоогүй гээд өмөөрдөггүй. Гэвч энэ удаад гарцаагүй юм гарч ирсэн. Сайд хүн 507 хуудас бүхий баримт гаргаж ирээд Төгрөг нуурын ордыг 250 сая ам.доллараар зарсан нь нотлогдсон гэж гаргаж ирээд олонд үзүүллээ. Бид эргэлзэж эхэллээ. Одоо түүнийг дэмжих боломж алга, иймд Х.Баттулгаас Төгрөг нуураа ард түмэнд буцааж авах шаардлага хүргүүлж байна” гэв. Тэд дараах шаардлагыг хүргүүлж байгаа аж. Үүнд:
“1. Нэн даруй УИХ-ын гишүүний бүрэн эрхээсээ өөрийн саналаар татгалзаж хууль, хяналтын
байгууллагад шалгуулах
875,000,000,000 /Найман зуун далан таван тэрбум төгрөг/-ийг нэхэмжилж буйг Үндэсний
баялгийн санд нөхөн төлж, баялагтаа эзэн монголчуудад өгөөжийг нь буцаан олгох
3. Монгол Улс, байгалийн баялгийнхаа эзэн болсон монгол хүн бүрийг хохиролгүй болгож
"Төгрөг нуур"-ын ордын 34%-иас багагүй хувийг төр түмний мэдэлд өгч "Баялгийн сангийн
тухай" хууль хэрэгжүүлэх нөхцөлийг бүрдүүлэх
4. Улс төрийн соёл, хувь хүний ёс зүйг үзүүлж, нийт Монголын ард түмнээс уучлалт гуйх.
Дээрх шаардлагыг нэн даруй биелүүлэхийг Халтмаагийн Баттулга танд итгэн саналаа өгч
байсан нийт иргэд, ард түмний өмнөөс шаардаж байна.
Шаардлагыг эс биелүүлбэл дээрх биелэх хүртэл нь тэмцлийн дараагийн хэлбэрүүдэд
шилжих болохыг мэдэгдье” гэжээ.
°C
Сэтгэгдэл (0)
Сэтгэгдэл бичигдээгүй байна