УИХ-ын зүгээс хүний эрхийг хангасан, хүн төвт үзэл баримтлал бүхий хууль, эрх зүйн орчинг бий болгох шинэчлэлийн хүрээнд СЗХ-ноос зохицуулдаг банкны бус санхүүгийн салбараар үйлчлүүлдэг 2.3 сая орчим иргэний эрх ашгийг хамгаалах ажил чухлаар тавигдаж байна.
Банк, банкны бус санхүүгийн салбарт үйл ажиллагаа явуулж буй ААН-ийн 80 орчим хувь нь хот сууринд, 20 орчим хувь нь хөдөө орон нутагт ажиллаж буй нь орон нутгийн иргэдэд санхүүгийн үйлчилгээ хангалтгүй, хүрэлцээ муутай, тэгш бус хүрч байгааг харуулж байна. Тиймээс иргэдэд амьдарч буй газраасаа үл хамаарсан, өргөн сонголттой, хүртээмжтэй санхүүгийн үйлчилгээг хүргэх талаас нь ажиллах шаардлагатай байгаа юм.
2024 онд ББСБ-ууд 600 гаруй тэрбум төгрөгийг арилжааны банкуудаас зээлж, иргэдэд жилийн 40-50 хувийн хүүтэйгээр зээлж байгааг СЗХ-ноос хязгаарласан нь зөв ч энэ төрлийн асуудлуудыг хуулинд оруулж, зохицуулалт хийх нь зүйтэй байна.
Тиймээс банк санхүүгийн байгууллагын зээлийн хүүг бууруулах, хүртээмжтэй тэгш үйлчилгээ үзүүлэх, мөнгө хүүлэлтийн асуудлыг цэгцлэх зэрэг чиглэлээр хуулийн нэмэлт, өөрчлөлтүүдийг энэ хаврын чуулганд багтааж хэлэлцүүлэх болно.
°C
Сэтгэгдэл (0)
Сэтгэгдэл бичигдээгүй байна