Франц улс Алжирын консулын болон дипломат албаны 12 албан тушаалтныг хөөж, Алжир дахь Элчин сайдаа эргүүлэн татлаа. Ерөнхийлөгч Эммануэль Макроны ажлын албанаас “Харилцаа гэнэт муудсанд Алжирын эрх баригчид буруутай” гэж мэдэгджээ.
Алжирын сөрөг хүчний идэвхтэн Амир Бухорсыг хулгайлсан хэрэгт холбоотой хэмээн сэрдэж ийм шийдвэр гаргажээ. Амир Бухорс нь Алжирын Ерөнхийлөгч Абделмаджид Теббунийг шүүмжлэгч бөгөөд “ТикТок”-т нэг сая гаруй дагагчтай. Тэрбээр 2016 оноос Францад амьдарч, 2023 онд улс төрийн орогнол авсан. Залилан мэхэлсэн, терроризмын хэрэгт буруутган олон улсад баривчлах тушаал гаргасан ч Францын тал шилжүүлэн өгөхөөс татгалзжээ.
Францын эрх баригчид колони байсан улстайгаа урт удаан хугацаанд ээдрээтэй харилцаатай байсан. Ерөнхийлөгч Макрон Баруун Сахарын маргаантай бүс нутгийн асуудлаар Алжирын эсрэг Мароккогийн байр суурийг дэмжсэнээр байдал улам бүр дорджээ.
Х.Эрдэнэзаяа
Эх сурвалж: "Монголын үнэн" сонин №014/24641/ дэх дугаарыг ЭНД-ээс уншаарай.
°C
Сэтгэгдэл (0)
Сэтгэгдэл бичигдээгүй байна