Хөвсгөл аймгийн Цэцэрлэг сумын Жаргалант багийн Хатгуур гэдэг газар энэ сарын 10-ны өдөр “Цахилгаан дамжуулах үндэсний сүлжээ” ТӨХК-ийн Хангайн бүсийн салбар Мөрөн-Тэлмэн чиглэлийн 110 кВ-ын агаарын шугамын цахилгаан дамжуулах утас тасарчээ. Уг гэмтлийн улмаас Завхан аймгийн 21 сум, Говь-Алтай аймгийн зургаан суманд цахилгаан эрчим хүч тасарсан байна.
“Алтай-Улиастайн эрчим хүчний систем” ТӨХК-ийн Завхан салбар, “Цахилгаан дамжуулах үндэсний сүлжээ” ТӨХК-ийн Хангайн бүсийн салбар Мөрөн дэд станц, Эрдэнэт салбарын ажилтнууд цахилгааны гэмтлийг сэргээн засварлаж, цахилгаан эрчим хүчинд холбож хэвийн горимд оруулсан.
Н.Энх
Сэтгэгдэл (0)
Сэтгэгдэл бичигдээгүй байна