“Монголын үнэн” сонины хамт олон “Шилдэг баг”-аар шалгарлаа

Эдүгээ 104 жилийнхээ ойтой золгож байгаа “Монголын үнэн” сонины хамт олон ажил үйлсээрээ хошуучилж, Монгол Ардын Намын 2023 оны “Шилдэг баг”-аар шалгарлаа. 

“Монголын үнэн” сонин нь захиалга борлуулалтын тоогоороо тэргүүлж байгаа бөгөөд 2023 онд үндсэн 48 дугаар, тусгай долоон дугаар бэлтгэн 146.7 мянган хувь хэвлүүлэн уншигч олондоо түгээгээд байна. Тус сонины сэтгүүлчдийн баг 2023 онд 6780 гаруй мэдээ мэдээлэл, сурвалжилга бэлтгэн “Монголын үнэн” сонин болон unenmedee.mn сайтад нийтэлжээ. Уламжлалт цаасан хэвлэлийн зах зээл хумигдаж байгаа энэ үед “Монголын үнэн” сонин уншигч, захиалагчдынхаа хүрээг тэлэх зорилгоор unenmedee.mn цахим хувилбарыг уншигчдад санал болгож, цахим захиалгын Q-pay үйлчилгээг шинээр нэвтрүүлээд байгаа юм.

Мөн гадаад харилцаагаа өргөжүүлэн 2023 онд дэлхийн нэр хүнд бүхий Синьхуа агентлаг, БНХАУ-ын ууган хэвлэл “Ардын өдрийн сонин”, БНСУ-ын Кённам өдөр тутмын сонинтой хамтын ажиллагааны  санамж бичиг байгуулан үйл ажиллагаа өргөжүүлэн ажиллаж  байна.