Дархан-Уул аймаг жил бүрийг Хүүхэд хамгааллын жил болгон зарласан. Энэ хүрээнд аймгийн Засаг даргын ивээл дор “Харшийн сүлд модны наадам”-ыг зохион байгууллаа. Тус наадамд энэ жил төрийн болон хувийн хэвшлийн бүх ЕБС-иудын анги ангиас нэг нэг төлөөлөл нийт 800 гаруй сурагч оролцсон юм.
Үйл ажиллагаанд аймгийн Засаг дарга бөгөөд Хүүхдийн төлөө зөвлөлийн тэргүүн Б.Азжаргал оролцон нийт хүүхэд багачууддаа шинэ оны баярын мэнд дэвшүүлэн, эрт унтаж эрүүл мэнддээ анхаарч байхыг захиад, ирээдүйд ихийг хийж бүтээхийг ерөөлөө.
Мөн энэ жил Улс, аймгийн “Онцлох хүүхэд”-ээр шалгарсан сурагчдад тус бүр 500 мянган төгрөг, гарын бэлгийн хамт гардуулан баяр хүргэлээ.
Наадамд уран бүтээлээ найз нөхдөдөө толилуулсан 160 гаруй сурагчийг Зулзагын гол зусланд 7 хоног амрах эрхийн бичгээр аймгийн Засаг дарга шагналаа.
Хүүхэд багачуудын хүсэн хүлээсэн Харшийн сүлд модны наадмыг Дархан-Уул аймгийн ЗДТГ, НБХ, ГБХЗХГ, БШУГ, СУГ хамтран зохион байгуулав.
°C
Сэтгэгдэл (0)
Сэтгэгдэл бичигдээгүй байна