Үндэсний агаарын тээвэрлэгч МИАТ ТӨХК нь алсын хараа, бизнесийн зорилт, агаарын хөлгийн парк шинэчлэлтээ үе шаттай хэрэгжүүлэх төлөвлөгөөний дагуу дэлхийд тэргүүлэгч агаарын тээврийн түрээсийн AerCap компаниас хоёр ширхэг Boeing 787-9 агаарын хөлгийг урт хугацааны түрээсээр авч байгаа бөгөөд эхний агаарын хөлгөө 2023.08.11-ний өдөр хүлээн авсан бол удаах агаарын хөлгөө 2024.04.25-ны өдөр хүлээн авлаа.
Уг агаарын хөлгөөр Истанбул, Франкфурт, Сөүл чиглэлд нислэг үйлдэх бөгөөд цаашид 2024, 2025 оноос АНУ, Сингапур, Австрали улс руу шууд нислэг үйлдэх төлөвлөгөөтэй ажиллаж байна.
Уг агаарын хөлөг нь тасралтгүй 14,140 км хүртэл зайд нислэг үйлдэх хүчин чадалтай.
20 тонн хүртэл ачаа тээвэрлэх боломжтой.
1 суудалд оногдох түлшний зарцуулалтын хувьд Вoeing 767-300 агаарын хөлгөөс 20 хувиар бага.
Дуу чимээ бага, цэлгэр том цонхтой учир зорчигчдод тав тухтай мэдрэмжийг төрүүлэхүйц байдаг.
Бусад агаарын хөлгүүдтэй харьцуулахад салоны даралт бага учир зорчигчид болон нисгэх бүрэлдэхүүнд ядрах мэдрэмж төрүүлэхгүй.
Салоны агаарыг хөдөлгүүрийн агаараас авалгүй цахилгаан хөдөлгүүртэй компрессороор хангадаг тул доторх агаарын чанар сайн.
°C
Сэтгэгдэл (0)
Сэтгэгдэл бичигдээгүй байна