БРИКС-ын дээд хэмжээний уулзалт энэ сарын 22-25-нд Казань хотод болно. Бүлгийг энэ жил ОХУ даргалж байгаа юм. Дээд хэмжээний уулзалтад 30 гаруй улсын төр, засгийн тэргүүн, олон улсын байгууллагын төлөөлөгч оролцохоо баталгаажуулжээ. БРИКС өдгөө 10 улсыг эгнээндээ нэгтгэсэн, дэлхийн үйл хэрэгт гүйцэтгэх үүрэг нь өсөн нэмэгдэж буй бүлэг болсон. БРИКС-ийн үйл ажиллагааны үндсэн зарчимд бусад улсын бүрэн эрхт эрх тэгш байдал, хөгжлийн замналыг хүндэтгэх, ашиг сонирхлыг харилцан харгалзан үзэх, нээлттэй байх, зөвшилцөх, дэлхийн олон туйлт дэг журам, санхүү, худалдааны тогтолцооны шударга загварыг бий болгох хүсэл эрмэлзэл, хамтын шийдлийг эрэлхийлэх явдал багтдаг. Энэ жил “Дэлхийн тэгш хөгжил, аюулгүй байдлын төлөө олон талт үзлийг бэхжүүлэх нь” уриан дор болно. Дээд хэмжээний уулзалтыг зохион байгуулж буй ОХУ-ын Ерөнхийлөгч В.Путин “Бид олон талт хөтөлбөрт нэгдэхэд бэлэн байгаа улс орныг хүндэтгэнэ. Үүний тулд бид БРИКС-ийн “түнш улс” гэсэн шинэ ангилал гаргаж байна. Орос улс БРИКС-ийн хүрээн дэх улс төр, аюулгүй байдал, эдийн засаг санхүү, соёл хүмүүнлэгийн холбоо гэсэн гурван үндсэн чиглэлээр түншлэлийн хамтын ажиллагааг бүхэлд нь хөгжүүлэхэд анхаардаг” гэжээ.
Эх сурвалж: Монголын үнэн сонин №039/24618/
°C
Сэтгэгдэл (0)
Сэтгэгдэл бичигдээгүй байна