Японы сөрөг хүчин парламентын доод танхимд олонх боллоо. Улмаар эрх баригч эвслийн хувь заяа хэлэлцээрээр шийдэгдэх юм. Ингэснээр бодлогын зарим салбарт тодорхойгүй байдал үүсэж болзошгүйд шинжээчид эмээж байна. Ерөнхий сайд Шигерү Ишибагийн Либерал ардчилсан нам, “Комэйто” намаас бүрдсэн эвсэл 215, сөрөг хүчний намууд 250 суудал авсан. Энэ удаагийн сонгуулийг Либерал ардчилсан намын засаглалыг зогсоосон үйл явдал гэж ажиглагчид дүгнэлээ. Эрх мэдлээ хадгалж үлдэхийн тулд Шигерү Ишиба жижиг намтай эвсэж, улс төрийн буулт хийхэд хүрсэн. Тэрбээр өнгөрсөн есдүгээр сарын сүүлчээр намын даргаар сонгогдсон даруйдаа ээлжит бус сонгууль зарлахдаа иргэдийн дэмжлэг авна гэж найдаж байв. Амьжиргааны өртөг нэмэгдэж, БНХАУ-тай харилцаа хурцадсанд сонгогчид дургүйцсэн. Хэрэв Ишиба зээлийн хүүг тэгтэй тэнцүү байлгах тохиролцоонд хүрвэл хүүг аажмаар нэмэгдүүлэхээр төлөвлөж буй Японы Төвбанкны толгойны өвчин болно. Улмаар улс төрийн хэрүүл маргаан хөрөнгийн зах зээлд тусах нь дамжиггүй.
Эх сурвалж: Монголын үнэн сонин №041/24620/
°C
Сэтгэгдэл (0)
Сэтгэгдэл бичигдээгүй байна