Японы Ерөнхий сайд, Либерал ардчилсан намын дарга Шигэрү Ишиба шинэ Засгийн газраа бүрдүүлжээ. Японы эзэн хааны ордонд Ерөнхий сайдыг томилох болон танхимын сайд нарыг баталгаажуулсны дараа, шинэ Засгийн газар анхны хуралдаагаа хийлээ. Японы Төлөөлөгчдийн танхим сонгууль явуулахад эрх баригч Либерал ардчилсан нам, Цэвэр бодлогын намын эвсэл Төлөөлөгчдийн танхим дахь суудлын талаас илүү хувийг авч чадаагүй. Иймээс Шигэрү Ишиба Сайд нарын танхимаа шинээр байгуулахад хүрсэн. Төлөөлөгчдийн танхимд цөөнхийн суудал эзэлсэн эрх баригч нам болсны дараа, Шигэрү Ишибагийн Засгийн газар хоёр дахь удаагаа бодлого, парламентын хариу арга хэмжээний хувьд сөрөг хүчний намын санал бодлыг авч үзэх ёстой болжээ. Ирэх жил товлосон Сенатын сонгуулиар эрх баригч болон сөрөг хүчний нам хоорондын өрсөлдөөн улам ширүүсэх нь гарцаагүй. Хоёр нам Төлөөлөгчдийн танхимын суудлын талаас илүү хувийг авч чадаагүй тул цөөнхийн эрх баригч нам Засгийн газрын танхимаа бүрдүүлж, төсөв болон чухал хуулийн төслүүд дээр санал хураахдаа сөрөг хүчний намаас тусламж хүсэхээс аргагүй байдалд орсон. Цаашид Либерал ардчилсан нам, Цэвэр бодлогын намын эвсэл нь Үндэсний ардчилсан намд анхаарлаа хандуулж, бодлогуудын талаар хэсэгчлэн хамтран ажиллаж магадгүй юм.
Эх сурвалж: Монголын үнэн сонин №043/24622/
°C
Сэтгэгдэл (0)
Сэтгэгдэл бичигдээгүй байна