Саудын Араб AI-ийн дэлхийн төв болохоо зарлав

 Жил бүр зохион байгуулдаг “Цөлийн Давос” хөрөнгө оруулалтын санаачилга форумын үеэр Саудын Араб AI-ийн дэлхийн төв болохоо зарлав. Энэ үеэр тус улс хэрхэн хиймэл оюун ухаанд суурилсан мэдээлэл боловсруулах төвүүдийн гол платформ байгуулах  төлөвлөгөөгөө танилцуулжээ.  Сүүлийн 10 жилийн хугацаанд тус улс газрын тосны орлогоороо мэдээллийн технологийн тэргүүлэгч компаниудын үндсэн хөрөнгө оруулагч болсон. “Цөлийн Давос” чуулганы нээлтийн ёслолын үеэр Саудын Арабын Төрийн баялгийн сангийн тэргүүн Ясер Аль-Румайян мэдээллийн технологийн компаниудад дата төвүүдээ байгуулахыг уриалж, дэлхийн хэмжээний тоглогч болох бүрэн боломжтой гэв. Нийслэл Эр-Риядад болсон бага хуралд оролцохоор Уолл Стрит болон Цахиурын хөндийн төлөөлөгчид оролцож, хиймэл оюун ухааны салбарыг хөгжүүлэх саналыг нааштайгаар хүлээн авчээ.

Эх сурвалж: Монголын үнэн сонин №043/24622/