Мэндчилгээ

Улсын нийслэл Улаанбаатар хэмээх их айлын зүрх нь болсон Эрхэм хүндэт Баянголчууд аа,

Баянгол дүүргийн Монгол Ардын Намын хүндэт гишүүд, үйлс зорилго нэгт журмын нөхөд өө,

 Та бүхэндээ хотол олноороо луу жилээ үдэж, могой жилээ угтаж буй Сар шинийн баярын мэндийг өргөн дэвшүүлж, сайн сайхны ерөөл өргөн мэндчилье.

Хангай дэлхийг уярааж, хөдөлмөр бүтээлийг ундраах хаврын сар айлчлан ирж байна.

Улиран одож буй модон луу жил монголчууд бидэнд үр өгөөж, хишиг буянаа хайрласан сайхан жил байлаа. Дөрвөн жилд нэг удаа болдог Улсын Их Хурлын болон Орон нутгийн сонгууль амжилттай болж, Баянголчууд маань Монгол Ардын Намд дахин итгэл хүлээлгэлээ. Энэхүү амжилт, ялалтад хүрэхэд хамтдаа хичээн зүтгэсэн эрхэм журмын нөхөд, намын гишүүд дэмжигчдэдээ сар шинийн босгон дээр дахин талархал илэрхийлж байна.

Ажил хийх хүнд арга нь олдоно, хийхгүй хүнд шалтаг олдоно гэдэг. Өнгөрсөн дөрвөн жилд дүүрэгтээ төсөв татаж, түүнийгээ зөв төлөвлөж, хариуцлагатай гүйцэтгэж чадвал ямар үр дүнд хүрч болдгийг бид бэлхнээ харуулсан. Энэ амжилтаа бататган, улам ахиулж, иргэн бүрийнхээ эрх ашгийг дээдэлж, төрөлх дүүргийнхээ хөгжлийн төлөө чимээгүй хэрнээ шаргуу хөдөлмөрлөж, хийж бүтээсэн бодит ажлууд маань ирэх жилүүдэд бидний өмнөөс ярих болно гэдэгт итгэлтэй байгаагаа илэрхийлье.

2024 онд Баянгол дүүргийн хувьд улс, нийслэл, дүүргийн төсвийн 140 гаруй тэрбум төгрөгийн хөрөнгө оруулалтаар   хөгж­лийн бүтээн байгуулал­тууд тас­ралтгүй үргэлжилсэн,  боловс­рол, эрүүл мэндийн үйлчилгээний чанар хүр­тээмжийг нэ­мэгдүүлсэн, иргэдийнхээ ажиллаж амьд­­рах орчныг илүү сайж­руулсан, үйлд­­­­­вэрлэл үйлчилгээ, биз­несийн сал­барт шинэ шинэ аж ахуйн нэгжүүд үүд хаалгаа нээсэн өрнүүн их амжилтаар луу жилээ үдэж байна.

Учран золгож буй модон могой жилдээ аж ахуйн нэгж, иргэдийнхээ санал санаачилгыг дэмжин хэрэгжүүлж, өөдөө тэмүүлсэн бүтээн байгуулалт, өргөн олноо хөгжүүлсэн нийгэм, эдийн засгийн олон амжилтаар жигүүрлэж, Баянгол дүүрэгт маань хөгжлийн дардан зам зурайх болтугай.

Буянт буурлууд, ахмад настнууд маань энх тунх, амар төвшин, идэр залуус нь ухаан хурц, ажил үйлс арвин, хүүхэд багачууд минь эрүүл саруул, эрдэм билиг­тэй байж, хотол олноороо сар шинэдээ сайхан шинэлээрэй.

ХҮНДЭТГЭСЭН:

    МОНГОЛ УЛСЫН ИХ ХУРЛЫН ГИШҮҮН,  НИЙСЛЭЛИЙН БАЯНГОЛ ДҮҮРГИЙН МОНГОЛ АРДЫН НАМЫН ХОРООНЫ ДАРГА                                       

                            ЖАМБАЛЫН ГАНБААТАР