​ БГД-ийн МАН-ын хороо сонгуулийн жилд үнэмлэхүй ялалт байгууллаа

УИХ болон Орон нутгийн ээлжит сонгууль өнгөрсөн 2024 онд болж, бид үнэмлэхүй амжилт үзүүллээ. Тодруулбал, Баянгол дүүргийн МАН-ын хороо  УИХ-ын ээлжит сонгуульд 70, нийслэлийн ИТХ-ын сонгуульд 100,  дүүргийн ИТХ-ын сонгуульд 95 хувийн амжилттай оролцлоо.  УИХ-ын есдүгээр тойрогт Баянгол дүүрэгт нэр дэвшихээр төв намд долоон горилогч хүсэлт гаргаснаас  УИХ-ын гишүүн, Баянгол  дүүргийн МАН-ын хорооны дарга Ж.Ганбаатар, УИХ-ын гишүүн Х.Ганхуяг, Баянгол дүүргийн Засаг дарга, дүүргийн МАН-ын хорооны дэд дарга Ө.Сумъяабаатар нар нэр дэвших эрхээ намын Бага хурлаас  авч, 2024 оны УИХ-ын сонгуульд оролцсон билээ. Ингэснээр Баянгол дүүргийн МАН-ын хороо гурван мандатын  хоёрт  ялалт байгуулсан.  Харин 2024 оны аравдугаар сард болж өнгөрсөн Орон нутгийн сонгуульд Баянгол дүүргийн МАН-аас нийслэлийн ИТХ-д  зургаан хүн нэр дэвшиж, 100 хувийн ялалт авчирсан бол дүүргийн ИТХ-ын 41 нэр дэвшигчийн 39-ийг олонхоороо сонгосон нь  ард түмний ялалт байлаа. Ийнхүү Баянгол дүүргийн МАН-ын хорооныхон  2025 оныг үнэмлэхүй ялалт, амжилтаар угтлаа.

 Эх сурвалж: Монголын үнэн сонин №008/24635/