Баянгол дүүргийн МАН-ын Хяналтын хороо-2024 онд

Өнгөрсөн хугацаанд Баянгол дүүргийн МАН-ын VIII бага хурлаар сонгогдсон Хяналтын хорооны даргаар Ж.Намнансүрэн, дэд даргаар Б.Нямдорж, гишүүдэд  Д.Цолмон, Ш.Энхтунгалаг, М.Энхмэнд, Д.Рэн­цэнноров, Д.Магсаржав, Б.Батцэнгэл, Б.Мөнхжаргал  нарын есөн хүний бүрэлдэхүүнтэйгээр ажил­лалаа. Баянгол дүүргийн МАН-ын Хяналтын хороо нь МАН-ын дүрмийн 33 дугаар зүйлийн 33.1 дэх  “Намын дотоод хяналт нь хараат бус бие даасан байна” мөн 34 дүгээр зүйлийн 34.1 дэх “Намын дүрмийн биелэлт, боловсон хүчний бодлогын хэрэгжилт, намын байгууллагын санхүү, аж ахуйн үйл ажиллагаанд  хяналт тавих, нам, түүний нэр төрийг хамгаалах, намын сонгуульт болон төрийн албан тушаалд томилогдох гишүүний ёс зүйн байдал, бага хурлын хэлэлцэх асуудал, гарах шийдвэрийн талаар дүгнэлт гаргах, намын гишүүдийн өргөдөл, гомдлыг хянан шийдвэрлэх үүргээ ханган биелүүлэх” заалтуудын хүрээнд үйл ажиллагаагаа явуулж, намын  эрхэм зорилго болсон  бүх шатны сонгуульд ялалт байгуулах үндсэн  зорилт тавьж ажиллав.

Хяналтын хорооноос  2024 онд хийсэн ажлаас товч мэдээлэхэд

-Хяналтын хорооны хурлыг хоёр удаа 78-100 хувийн ирцтэй хийж, 2024 онд хэрэгжүүлэх ажлын төлөвлөгөө, үйл ажиллагаа явуулахад шаардлагатай зардлын төсвөө батлах,  хороодын МАН-ын Хяналтын  хорооны дарга нараас 2023 онд хийсэн ажлын “товч мэдээлэл”-ийг сонсож, “Зөвлөмж” гаргах, дүүргийн Иргэдийн төлөөлөгчдийн хурал дээр бий болсон нөхцөл байдлын талаар авч хэлэлцэж дүгнэлт гаргах, орон нутгийн сонгуулийн үеийн хяналт, аюулгүй байдлыг хэрхэн зохион байгуулах асудлуудыг авч хэлэлцэн шийдвэрлэлээ.

-Дүүргийн хороод бүтцэд орсонтой холбогдуулан МАН-ын Удирдах зөвлөлийн 2019 оны дөрөвдүгээр сарын 24-ний өдрийн А/10 тоот тогтоолоор батлагдсан “МАН-ын анхан шатны байгууллагын /НАШБ/ үйл ажиллагааны стандарт”, “Монгол Ардын Намын анхан шатны байгууллага байгуулах журам”-ын хэрэгжилтийг хангах зорилгоор шинээр байгуулагдсан есөн хорооны  намын хорооны Хяналтын хороог шинэчлэн зохион байгууллаа.

-МАНын Хяналтын хороонд 2024 онд 803 хүний өргөдөл гомдол, санал хүсэлтийг хүлээн авч бүртгэн, хяналт тавьж, 742-ыг нь бүрэн шийдвэрлэсэн дүнтэй байна.

-Орон нутгийн сонгуулиар “Хууль, хяналт, аюулгүй ажиллагааг хангах ажлын хэсгийг ажиллуулсны үр дүнд Нийслэлийн ИТХ-ын зургаан суудлаас тавыг, дүүргийн ИТХ-ын 41 суудлаас 39-ийг нь авч, үнэмлэхүй ялалт байгуулахад хувь нэмрээ орууллаа.

Баянгол дүүргийн МАН-ын Хяналтын хорооны үйл ажиллагаа нь зохих хууль тогтоомж, намын дүрэм, холбогдох журмын дагуу явагдаж ирсэн бөгөөд хараат бус, бие даасан байдлыг хангаж,  анхан шатны байгууллагадаа мэргэжил арга зүйн туслалцаа үзүүлж,   намын үнэт зүйл болсон гишүүдийнхээ итгэлийг олж авсан, хамт олныхоо дунд нэр хүндтэй, МАН-ын дүрмээр хүлээсэн үүргээ зохих түвшинд гүйцэтгэсэн болно.

Ж.Намнансүрэн

/Баянгол дүүргийн МАН-ын Хяналтын хорооны дарга/

 Эх сурвалж: Монголын үнэн сонин №008/24635/