Баянгол дүүргийн МАН-ын хороо 2020-2024 онд дэвшүүлсэн мөрийн хөтөлбөрөө амжилттай хэрэгжүүллээ

Баянгол дүүргийн МАН-ын хороо 2020-2024 онд дүүрэгт хийж, хэрэгжүүлэхээр боловсруулсан мөрийн хөтөлбөрөө амжилттай биелүүллээ.  Тодруулбал, зөвхөн өнгөрсөн дөрвөн жилд улс, нийслэл, дүүргийн төсвийн хөрөнгө оруулалтын 500 орчим тэрбум төгрөгөөр иргэд, оршин суугчдынхаа ая тухтай амьдрах орчныг бүрдүүлэх зорилгоор авто зам, фасад дулаалга, дээвэр засвар, явган хүний зам засвар, тоглоомын талбай  зэрэг тохижилтын ажлыг хийсэн байна. Үүнээс гадна боловсрол, эрүүл мэнд гээд нийгмийн салбарт анхаарч ажилласан нь бодит үр дүнгээ өгсөн юм.  Иймээс 2024 онд баянголчууд Баянгол дүүргийн МАН-ын хороонд дахин итгэл хүлээлгэж,

УИХ, нийслэл, дүүргийн ИТХ-ын сонгуульд багаар нь дэмжсэн гэж тодотгож болох бөгөөд өнгөрсөн дөрвөн жилд Баянгол дүүрэгт өрнөсөн хөрөнгө оруулалт, бүтээн байгуулалтын ажлын талаар тоон мэдээлэл хүргэе.

Авто замын  трассыг 45 хувиар нэмлээ

-Баянгол дүүргийн хэмжээнд 2021-2024 онд төв болон туслах зам, орон сууцны болон гэр хороолол гээд нийт 137 байршилд 60.6 км авто замыг шинээр тавьж,  өргөтгөн шинэчиллээ. Ингэснээр дүүргийн нутаг дэвсгэр дэх замын трасс 45 хувиар нэмэгдлээ.

34 хорооны 113 байршилд тоглоомын талбай тохижууллаа

-Баянгол дүүрэгт 2021-2023 онд улс, нийслэл, дүүргийн төсвийн хөрөнгө оруулалтаар нийт 34 хорооны 113 байршилд тоглоомын талбай тохижилтын ажлыг шинээр хийж хэрэгжүүллээ. Тодруулбал, 2021-2022 онд нийт 25 хорооны 58 байршилд, 2023 онд нийт 28 хорооны 55 байршилд тоглоомын талбай, тохижилтын ажил хийсэн бол  2024 онд нийт 31 хорооны 76 байршилд тоглоомын талбай, тохижилтын ажлыг хийлээ.  

147 байршилд явган хүний замыг шинээр тавьж, өргөтгөн засварлалаа

-Баянгол дүүргийн хэмжээнд 2021-2024 онд нийт 34 хорооны 147 байршилд явган хүний замыг шинээр тавих болон засварлах, өргөтгөн шинэчлэх ажлыг улс, нийслэл, дүүргийн төсвийн хөрөнгө оруулалтаар хийв.

23 хорооны 116 байрны дээврийг  заслаа

  -2021-2024 онд Баянгол дүүргийн хэмжээний нийт  23 хорооны 116 байрны дээврийг заслаа. Үүнд  2021 онд 11 хорооны 27 байрны,  2022 онд 14 хорооны 23 байрны, 2023 онд 12 хорооны 19 байрны, 2024 онд 23 хорооны 46 байрны дээврийг заслаа.

18 хорооны, 52 байрны фасадыг шинэчиллээ

-Баянгол дүүрэгт 2021-2024 онд улс, нийслэл, дүүргийн төсвийн хөрөнгө оруулалтаар нийт 18 хорооны 52 байрны фасад дулаалгын ажлыг хийснээр 5.822 өрхийн 23.300 гаруй оршин суугч ая тухтай амьдрах орчин нөхцөл бүрдлээ.

70.200 м2 газар чөлөөлж, 2700 гаруй авто машины ил зогсоол байгууллаа

-Дүүргийн хэмжээнд 2021-2024 онд нийтийн эзэмшил газар зөвшөөрөлгүй барьсан, орчны бохирдол ихээр үүсгэдэг 3012 гаруй гараажийг буулгаж, 70.200 м2 газрыг чөлөөлснөөр нийт 70 орчим байршилд 2700 гаруй авто машины ил зогсоолыг шинээр байгууллаа. Мөн чөлөөлсөн газарт бичил цэцэрлэгт хүрээлэн, тохижилт, тоглоомын талбай байгуулж байгаа бөгөөд 2021-2024 онд нийт 34 хорооны 180 байршилд тохижилт, тоглоомын талбай ажлыг хийж, хэрэгжүүлэв.

Эрүүл мэндийн тусламж, үйлчилгээний хүртээмжийг нэмэгдүүллээ

-Баянгол дүүрэгт 2021-2024 онд Өрхийн эрүүл мэндийн найман төвийг шинээр нээлээ. Тодруулбал, хүн ам ихээр төвлөрсөн 24, 25, 26, 28, 29, 31 дүгээр хороонд Өрхийн эрүүл мэндийн төвийг шинээр нээж, иргэдэд хүргэх эрүүл мэндийн анхан шатны тусламж, үйлчилгээний хүртээмжийг нэмэгдүүллээ. Мөн 2023 онд 30, 32, 33 дугаар хорооны ӨЭМТ-ийг шинээр байгуулсан бол 2024 онд 9, 10 дугаар хорооны ӨЭМТ-ийн байрыг шинээр барьж ашиглалтад орууллаа. Түүнчлэн ӨЭМТ-үүдэд шаардлагатай тоног төхөөрөмжийг дүүргийн төсвийн хөрөнгө оруулалтаар авч, 100 хувь хангав.

20 хорооны 76 байршлын цахилгаан шатыг засварлан, шинэчиллээ

 -Баянгол дүүрэгт 2021-2024 онд нийт 20 хорооны 76 байрны цахилгаан шатны засвар шинэчлэлийн ажлыг хийлээ.  Үүнд 2021-2023 онд нийт 14 хорооны 20 байрны 22 цахилгаан шатны бүрэн шинэчлэлт, засварын ажлыг нийслэл, дүүргийн төсвийн хөрөнгө оруулалтаар, 2024 онд нийт 23 хорооны 51 байрны цахилгаан шатны шинэчлэл, засварын ажлыг хийв.

Дүүргийн хэмжээнд нийт 8056 гэрэлтүүлэгтэй боллоо

-Баянгол дүүргийн хэмжээнд нийт 7126 гэрэлтүүлэг байсан бол 2021-2024 онд 930 ширхэг гэрэлтүүлгийг шинээр суурилууллаа. Ингэснээр дүүргийн хэмжээнд нийт 8056 гэрэлтүүлэгтэй болоод байна.

6 сургууль, 11 цэцэрлэгийг ашиглалтад орууллаа

 -Баянгол дүүргийн хэмжээнд 2021-2023 онд 6 сургууль, сургуулийн өргөтгөлийн барилгыг ашиглалтад орууллаа. Ингэснээр суудлын тоо 3520-оор,11 цэцэрлэгийн барилгыг бүрэн ашиглалтад оруулснаар цэцэрлэгийн орны тоо 2140-өөр нэмэгдлээ. Харин 2024-2025 оны хичээлийн жилд 3 цэцэрлэг, 2 бага сургууль, цэцэрлэгийн цогцолборыг барьж ашиглатад оруулахаар ажиллаж байна.

34 хорооны 113 байршилд тоглоомын талбай тохижууллаа

 -Баянгол дүүрэгт 2021-2023 онд улс, нийслэл, дүүргийн төсвийн хөрөнгө оруулалтаар нийт 34 хорооны 113 байршилд тоглоомын талбай тохижилтын ажлыг шинээр хийж хэрэгжүүллээ. Тодруулбал, 2021-2022 онд нийт 25 хорооны 58 байршилд, 2023 онд нийт 28 хорооны 55 байршилд тоглоомын талбай, тохижилтын ажил хийсэн бол  2024 онд нийт 31 хорооны 76 байршилд тоглоомын талбай, тохижилтын ажлыг хийлээ.  

Төрийн үйлчилгээг иргэдэд хүртээмжтэй болгоход анхаарч ажиллалаа

-Төрийн анхан шатны үйлчилгээг иргэдэд ойртуулах, жигд хүртээмжтэй хүргэхийн тулд нийслэл, дүүргийн ИТХ-ын тогтоолоор хүн ам ихээр төвлөрсөн ачаалал өндөртэй хороодыг хуваан 9 хороо нэмснээр 34 хороотой болов. Ингэснээр хороодын албан хаагчдын ажиллах ачаалал 40-50 хувиар буурч, нэг иргэнд үйлчлэх хугацаа 5-10 минут боллоо. Мөн “Алтай хотхон” буюу 24 дүгээр хороо, “Голден парк” 28 дугаар хорооны байрыг худалдан авсан бол 9, 10 дугаар хорооны цогцолбор байрыг шинээр барьж, ашиглалтад орууллаа.

Улсын бүртгэлийн үйлчилгээг иргэдэд ойртууллаа

 -Оршин суугчдадаа үзүүлэх төрийн үйлчилгээг нэг дор төвлөрүүлэх, зарим үйлчилгээний шийдвэрлэх хугацааг богиносгох зорилгоор 2021-2024 онд дүүргийн хэмжээнд хүн ам ихээр төвлөрсөн 4 байршилд “Нэг цэгийн үйлчилгээ”-г нээлээ.

 Эх сурвалж: Монголын үнэн сонин №008/24635/