"Гарри ба Меган" хэмээх шуугиан тарьсан баримтат цувралын эхний анги “Нетфликс” стриминг платформоор маргааш олны хүртээл болно. Энэхүү шоунд Английн хааны гэр бүлийн гишүүдийн харилцаа, хөшигний ард өрнөдөг ордны амьдралыг харуулжээ. Ханхүү Гарри АНУ-ын жүжигчин Меган Марклтай гэрлэснийхээ хааны гэр бүлийн гишүүний хангамж, хэргэм зэргээсээ татгалзсан.
Ханхүү өнгөт арьст эхнэртэй болсон нь олон нийтийн зүгээс, ялангуяа цагаан арьст биш ард иргэд зонхилдог Хамтын нөхөрлөлийн орнуудаас сайшаал дагуулсан ч хааны гэр бүлийн дотоод уур амьсгал арьс өнгөний үзлээс болж ихээхэн бэрхшээл дагуулсныг дэлгэснээрээ олон нийтийн анхаарлыг татсан юм. Язгууртны эрх ямбаас татгалзсан түүхээ энэхүү зургаан ангит баримтат цувралд дэлгэрэнгүй ярьжээ. Гарри, Меган нар “Нетфликс”-тэй баримтат кино, телевизийн шоу, хүүхдийн нэвтрүүлэг хийхээр гэрээ байгуулсан юм.
Х.ЗАЯА
°C