“Улс төр, эдийн засаг, эрх зүйн шийдэл-нийгмийн зөвшилцөл” сэдэвт чуулга уулзалтад Монгол Улсын Ерөнхий сайд Л.Оюун-Эрдэнийн тавьсан илтгэлээс онцлох эшлэлийг хүргэж байна.
- Эдийн засаг 13 дахин тэлсэн ч иргэдийн амьдралын чанар дээшилсэнгүй
- Уул уурхайн бүтээгдэхүүний өгөөж ард иргэдэд хэр хүртээмжтэй байна вэ гэдэг асуудал 30 жилийн дараа зүй ёсоор урган гарч ирлээ
- Өнгөрсөн 30 жилд урт хугацааны хөгжлийн бодлого алдагдсан
- Шулуухан хэлэхэд галзуу хулганад суусан юм шиг л 30 жил өнгөрлөө
- Гүйцэтгэх засаглалын эрх мэдэл хэт олон хуваагдсанаас болж сахилга, хариуцлагагүй байдал бүх шатанд нүүрлэсэн
- Бид авлигын төсөөллийн индексээр байнга ухарсаар иржээ
- Үүрэг хариуцлагыг давхар авч явах дүгнэлт 30 жилийн дараа та бидэнд ирж байна
- Улаанбаатар хотыг 586 мянган хүн амтай байхад V цахилгаан станцын талаар ярьж байсан ч ажил хэрэг болголгүй өдийг хүрлээ
- Асуудлаа цэгцэлж, том шийдэл гаргая гэхээр улс төрөө дийлдэггүй, гал унтраах байдлаар аргацаасаар ирсэн
- Өнгөрсөн 30 жилд бодлого, төлөвлөлтгүй явсны нэг том жишээ нь нийслэл Улаанбаатар хотын өнөөгийн арчаагүй байдал
- Бөөн хэл ам, хэрүүл тэмцэл болж байж нэг их наяд төгрөгийн эргэн төлөлт хийгдсэнээр Хөгжлийн банк сая л дампуурлаас гарлаа
- Цаашид зөвхөн тойргийн сэтгэлгээгээр биш томоохон хэмжээний реформ хэрэгтэй байна
- Бид 90 хувийг нэмүү өртөг шингээлгүйгээр гадагш гаргадаг мөртлөө 90 хувийн нэмүү өртөг шингэсэн бүтээгдэхүүнийг импортоор авдаг улс болсон
- Аж үйлдвэржилтийн том бодлогоо бид өнгөрсөн 30 жилд унагаасан. Энэ бол гашуун түүх.
- Манай улсын эдийн засаг бүхэлдээ нүүрс, зэс хоёр дээр тогтдог
- Нүүрс, зэсийн албан бус бүлэглэл хууль хяналтынхныг бүхэлд нь барьдаг болсон
- Одоо үүсээд буй нүүрстэй холбоотой асуудлын цаана маш их хэмжээний далд эдийн засаг байгаа
- Далд эдийн засгийг ил болгочихвол ерөөсөө 2-3-хан жилийн дотор Монгол Улсын эдийн засаг хоёр дахин тэлнэ
- Цаашид төмөр зам, газрын албаны асуудлыг цэгцлэхээс аргагүй
- Өнгөрсөн 30 жилийн ололт амжилт, алдаа оноо ч Үндсэн хуультай тодорхой хэмжээнд хамааралтай гэдгийг бид хүлээн зөвшөөрөх нь зүйтэй
- Монгол Улс хоёр мөрийн хөтөлбөртэй, хоёр засаглалын хэлбэрт байгаа нь багагүй асуудал үүсгэдэг
- Монгол Улсын Ерөнхийлөгч ард түмнээс сонгогдож гарч ирээд амлалтаа биелүүлэх гэхээр төсөв, кабинет хоёр байдаггүй
- Засгийн газар унасан тохиолдлуудыг харахаар дандаа Ерөнхийлөгчийн сонгуулийн дараа таараад байдаг
- Засаглалын аль нэг сонгодог хэлбэр лүүгээ явах нь зөв эсэх талаар ярилцах шаардлагатай
- Магадгүй хамгийн сайн ойлголцож байгаа Ерөнхийлөгч, Ерөнхий сайд нь бид хоёр байх
- Сонгодог парламент талдаа эрх зүйн шинэчлэлийг хэрхэн хийх эсэхийг хамтдаа ярилцах цаг хугацаа мөн
- Үндсэн хуулиас бусад хуулиар эрх зүйн асуудлыг зохицуулна гэвэл учир дутагдалтай
- Үндсэн хуулийн суурь концепц өөрөө олон асуудалд ил ба далд, шууд болон шууд бус утгаар нөлөөлдөг
- Өнгөрсөн 30 жилийг бодитой дүгнэж, шинэ 30 жилийг тодорхойлох нь энэ цаг үеийн эрхэм үүрэг
- Олон талаас нь шүүн хэлэлцэж, сэтгэл хөдлөлөөс ангид байж, өнөөдрийн цаг хугцаанд хэт авталгүйгээр алс хэтийн суурь асуудлаа том зургаар нь харж шийдвэрлэх нь та бидний түүхэн үүрэг
- Үндсэн хуулийг шинээр өөрчлөн найруулах хэмжээний том реформ хийх талаар ярилцаж, хөдөлж болно
- Хөрсөн дээр ургаж байгаа хогийн ургамалтай тэмцэнэ гэдэг нэг асуудал. Тийм хөрс бүрдэхгүй байх тогтолцооны реформ хийнэ гэдэг өөр асуудал.
М.Өнөржаргал
Эх сурвалж: Монголын үнэн №002/24533/
°C