Энэтхэгийн “Maiden Pharmaceuticals” болон “Marion Biotech”-ийн үйлдвэрлэсэн ханиалгын эсрэг сиропыг уусан Гамби, Индонези, Узбекистан улсын 300 гаруй хүүхэд эндсэн билээ. ДЭМБ-ын мэдэгдсэнээр “Сиропны найрлагад үйлдвэрийн уусгагч, хөлдөлтөөс хамгаалах зорилгоор химийн хорт бодис ашигласан. Бага хэмжээгээр уусан ч үхэлд хүргэдэг” аж.
Дээр дурдсан улсаас гадна Филиппин, Зүүн Тимор, Сенегал, Камбожид уг эмийг худалдаалсан байна. Тиймээс ДЭМБ гишүүн 194 улсдаа урьдчилан сэргийлэх сэрэмжлүүлэг тараажээ. Мөн өнгөрсөн жил Индонезийн “PT Yarindo Farmatama”, “PT Universal Pharmaceutical”, “PT Konimex”, “PT AFI Pharma” дөрвөн компанийн үйлдвэрлэсэн ханиалгын сиропыг эмийн хэрэглээнээс яаралтай хасахыг анхааруулсан. Мөн Засгийн газар, эм ханган нийлүүлэгчдийг зах зээлийн хяналтыг нэмэгдүүлэх, шаардлагатай тохиолдолд арга хэмжээ авахыг уриалжээ. Холбогдох компаниуд бүтээгдэхүүнийхээ тухай тайлбар өгөхөөс татгалзсан байна.
Х.Заяа
°C