МАН-ыг үүсгэн байгуулагчдын нэг, жанжин Д.Сүхбаатарын зээнцэр, Цогтын Хүрэлсүхийг Сүхбаатарын одонгоор шагналаа. Ерөнхийлөгчийн зарлигаар төрийн, дээд одон медаль хүртсэн их жанжин Д.Сүхбаатарын зээнцэр Ц.Хүрэлсүхийн сэтгэгдлийг сонсоход:
-Өнөөдөр би өвөөгийнхөө төрсөн өдөр болох их жанжин Д.Сүхбаатарын мэндэлсний 130 жилийн ойн энэ өдөр төрийн дээд шагнал Сүхбаатарын одонгоор шагнуулсандаа баяртай байна. Би цэргээс нь эхлээд хурандаа хүртэл батлан хамгаалахын салбарт тасралтгүй 32 жил ажилласан. Олон жил ханилсан ханьтайгаа, есөн хүүхэдтэй, өнөр өтгөн айл болсон манайх.
-Жанжин Сүхбаатарын үр хойч гэдэг их бахархал байх?
-Их жанжны үр удам гэдгээрээ цээж дүүрэн бахархдаг. Сүхбаатарын хүү Галсан хоёр дайнд оролцсон, батлан хамгаалах салбарт насаараа ажилласан хүн. Бас Янжмаа эмээгээрээ бахархдаг. Сүхбаатар сайхан Монголынхоо төлөө дэлхийд алдар суугаа мандуулсан гарамгай жанжин хүн хэмээв.
Сүхбаатарын одонт Ц.Хүрэлсүхэд түүний хань ижил, үр хүүхэд болон нийслэлийн Сүхбаатар дүүргийн МАН-ын хороо хүндэтгэл үзүүлсэн юм.
Н.Нягт
°C