БХБ-ын сайд Ц.Даваасүрэн мэдээлэл хийлээ. Засгийн газраас Газрын долоон багц хуулийг УИХ-д өргөн бариад байсан. Энэ хуулийн төсөлтэй холбоотой малчдаас шүүмжлэл ирж байсан юм. Мөн Улаанбаатар хотын төлөвлөлттэй холбоотой асуудал сөхөгдөж байсан. Тиймээс Нийслэлийн дахин төлөвлөлтийн хууль батлагдсаны дараагаар Газрын багц хуулийг өргөн барихаар болсон байна. БХБ-ын сайд Ц.Даваасүрэн:
-Бэлчээртэй холбоотой асуудлыг Газрын багц хуулийн төсөлд шийдээгүй байна. Өнөөдөр орон нутгийнхан газраа хамгаалахын тулд тусгай хэрэгцээнд авдаг. Гэтэл өргөн барьсан төслөөр уг заалтыг байхгүй болгосон байлаа. Мөн өвөлжөө, хаваржааны асуудал ярьж байна. Улаанбаатар хотод дахин төлөвлөлттэй холбоотой асуудал байна. Тиймээс энэ асуудлыг шийдвэрлэх үүднээс Газрын долоон багц хуулиа эргүүлэн татаж байна хэмээн мэдээлэв.
Н.Нягт
°C