Монгол Улсад улс төрийн ууган хүчин Монгол Ардын намыг үүсгэн байгуулсны 102 жилийн ой өнөөдөр тохиож байна. Энэ өдрийг 2004 оноос хойш "Эх орончдын өдөр" болгон тэмдэглэсээр ирсэн билээ.
Улс төрийн нам үүсэн байгуулагсдан өдрийг тохиолдуулан өнөөдөр Төрийн ордонд "Шилэн нам" эрдэм шинжилгээ, онол практикийн хурал болно. Эрдэм шинжилгээний хурлыг Монгол Улсын Ерөнхий сайд, МАН-ын дарга Л.Оюун-Эрдэнэ нээж үг хэлнэ. Дараагаар нь "Авлигын индексийн үзүүлэлт ба улс төрийн намуудын ил тод байдал", "Нийгмийн бүлгүүдийн зөвшилцөлд улс төрийн намын гүйцэтгэх үүрэг", "Улс төрийн намын тухай хуулийн төслийн үзэл баримтлал, шинэлэг асуудлууд" сэдвээр "Транпэрэнси Интернэшнл Монгол" ТББ-ын Гүйцэтгэх захирал Э.Мөнхжаргал, МУИС-ийн Улс төр судлалын тэнхимийн профессор, доктор Д. Бумдарь, "Хүний эрх дэвшилтэт бодлогын хүрээлэн" ТББ-ын гүйцэтгэх захирал Х.Баасанжаргал нар тус тус илтгэл тавьж хэлэлцүүлэх юм.
Мөн өнөөдөр МАН-ын удирдлагууд их жанжин Д.Сүхбаатарын хөшөөнд цэцэг өргөж, хүндэтгэл үзүүлнэ.
Н.Нягт
°C