БНХАУ-ын Коммунист намын XX Их хурлаар Ши Жиньпинийг Ерөнхий нарийн бичгийн даргаар улираан сонгосон. Өөрөөр хэлбэл, түүний гурав дахь бүрэн эрхийн хугацаа эхэлж байна.
Ажиглагчид түүнийг 2035 он хүртэл буюу улс төрийн шинэчлэл дуустал албан тушаалдаа үлдэнэ гэж таамаглаж байна.
Бээжин 2049 онд БНХАУ-ыг байгуулсны 100 жилийн ойгоор хүчирхэг гүрэн болох зорилго дэвшүүлжээ. Агуу гүрнээс гадна орчин үеийн социализмын жишиг, баян, хүчирхэг, эв найрамдалтай улс болох ёстой. Ши Жиньпин энэ амбицдаа хүрэхийн тулд зогсолтгүй урагшлахаа мэдэгдсэн.
Дэлхийн улс төрийн тавцан цар тахлын дараа өөрчлөгдсөн нь Хятадын эрх баригчдад хүлээгдэж байснаас илүү сорилт болж байна. Энэ нь эдийн засаг, гадаад худалдаа, үзэл суртал, олон улсын харилцаа зэрэг бүх зүйлд хамаатай. Ирэх онд БНХАУ-ын гадаад бодлогын тэргүүлэх чиглэл, тус улсын хөгжлийн векторыг тодорхойлсон баримт бичиг буюу Цагаан номд “Бээжин өөрчлөгдөж буй зах зээлийн нөхцөл байдлыг дагаж, урт хугацааны стратеги хэрэгжүүлэхээр яарахгүй” гэжээ.
Х.Заяа
°C