​ Хог ачилт, зам талбайн засвар арчлалт, ногоон байгууламжийн ажил үйлчилгээг хувийн хэвшлээр гүйцэтгүүлнэ

Төрийн хэрэгжүүлж буй зарим ажил, үйлчилгээг хувийн хэвшлээр гүйцэтгүүлэх Засгийн газрын 340 дугаар тогтоол гарсан.

 Энэ хүрээнд төрийн  байгууллагууд хувийн хэвшлээр гүйцэтгүүлэх боломжтой ажлуудын жагсаалт гаргаж, нийслэл гэхэд л зарим ажил үйлчилгээгээ хувийн хэвшил рүү шилжүүлж эхэлжээ. Нийслэл 11 чиглэлийн 55 аж ахуйн тооцоот үйлдвэрийн газрыг хувийн хэвшил рүү шилжүүлэх боломжтой гэсэн тоо гаргасан байна. Тодруулбал, гудамж талбайн цэвэрлэгээ, бохир соруулах, ногоон байгууламж арчлах, авто зам засвар, арчлалт, хог ачилт гэх мэт чиглэлийн үйл ажиллагаануудаас төр татгалзаж, хувийн хэвшлээр гүйцэтгүүлэх боломжтой болж байна.

Өөрөөр хэлбэр төр бүхнийг хийдэг биш, хийж чаддаг хувийн хэвшил, мэргэжлийн холбоодод ажлаа шилжүүлж, эргээд олон нийт, төр нь хяналтаа тавьж, бодлогоор зохицуулдаг байх юм.