Их Британийн Консерватив намын даргын төлөөх өрсөлдөөнд Риши Сунак ялалт байгуулж, 79 дэх Ерөнхий сайдаар томилогдлоо. Тэрбээр Вант улсын анхны өнгөт арьст, хинду шашинтан Ерөнхий сайд болж байна. Мөн 200 жилийн түүхэн дэх хамгийн залуу Ерөнхий сайд боллоо. Түүний эхний сорилт бол Консерватив намын фракцын хагарал, эвдрэлцлийг зохицуулах.
Тэрбээр III Чарльз хаанд бараалахсны дараа Засгийн газрын бүрэлдэхүүнд өөрчлөлт оруулна.
Сангийн сайд асан Сунакийг татвар, төсвийн алдагдлыг нөхөх хатуу бодлого баримталж, эдийн засгийн хямралыг гэтэлж магадгүй гэж ажиглагчид таамаглаж байна.Сунак өнгөрсөн сард Ерөнхий сайдын суудлын төлөө Лиз Трасстай өрсөлдөөд ялагдсан. Тэр үед түүнийг “Вестминстерийн амьдралаас залхсан”, “Калифорни руу нүүж, санхүүгийн карьераа үргэлжлүүлнэ” зэргээр хэвлэлүүд бичиж байсан юм.
Энэтхэгийн цагаач гэр бүлээс гаралтай Риши Сунак Стэнфордын их сургуулийг төгсжээ. Тэрбээр Энэтхэгийн мэдээллийн технологийн аварга “Infosys” компанийг үүсгэн байгуулагч, тэрбумтны охин Акшата Муртитэй гэрлэж 730 сая фунт стерлингийн хөрөнгө өвлөжээ. Акшата Их Британийн иргэншилгүй учир улсад их хэмжээний татвар төлдөг байна. Сунак Трассаас илүү прагматик шинжтэй улстөрч. Тиймээс Умард Ирландын протоколд хатуу байр суурь баримтлахаа амласан.
Х.Заяа
°C