Х.Булгантуяа: Хүүхдийн мөнгөнд хамрагдах хүсэлт гаргах шаардлагагүй

Засгийн газрын ээлжит хуралдаан боллоо. Хуралдаанаар хэлэлцэн шийдвэрлэсэн асуудлын талаар салбарын сайд нар мэдээлэл хийв. ХНХ-ын сайд Х.Булгантуяа:

-2023 оны төсвийн тодотгол батлагдсантай холбоотойгоор төрийн албан хаагчдын цалингийн хэмжээг шинэчлэн тогтоох, ангилал зэрэглэлийг шинэчлэн тогтоох тухрай тогтоолууд батлагдлаа. Хүүхдийн мөнгөн тэтгэмжийг олгох журам, нийгмийн халамж, асаргааны тэтгэмжийн хэмжээг шинэчлэн тогтоох журам, тэтгэврийн хэмжээг 10 хувиар нэмэгдүүлэх, тэтгэвийн итгэлцүүр шинэчлэн тогтоох, батлах тухай гээд нийт найман тогтоол баталлаа. Ингэснээр долоодугаар сарын 1-нээс төсвийн тодотгол хэрэгжих боломжтой болж байна.

480 гаруй ахмадын тэтгэвэр ирэх долдугаар сарын 1-нээс нэмэгдэнэ. Хүүхдийн мөнгөнөөс хасагдаад байсан есөн хувьд багтсан хүүхдийн мөнгийг наадмаас өмнө олгоно. Хүүхдийн мөнгөнд хамрагдах хүсэлт гаргах шаардлагагүй. Харин шинээр мэндэлсэн хүүхдүүд бүртгүүлж, хүүхдийн мөнгөнд хамрагдана хэмээн мэдэээллээ. 

Н.Нягт