Д.Тогтохсүрэн: Улс төрийн нам бүх шатны сонгуульд нэр дэвшигчдээ сонгон шалгаруулдаг хороотой байна

УИХ дахь МАН-ын бүлэг хуралдлаа. Хуралдаанаар хэлэлцсэн шийдвэрлэсэн асуудлын талаар УИХ дахь МАН-ын бүлгийн дарга Д.Тогтохсүрэн нар мэдээлэл хийв. Тус бүлгийн хуралдаанаар Улс төрийн намын хуулийн төслийг хэлэлцсэн байна. Энэ талаар УИХ дахь МАН-ын бүлгийн дарга Д.Тогтохсүрэн: 

-Улс төрийн намын тухай хуулиар сонгуульд нэр дэвшигчдэд намаас  тавьдаг шалгуурыг тодорхой болгохоор тусгах санал оруулжээ. Улс төрийн нам бүх шатны сонгуульд нэр дэвшигчдээ сонгон шалгаруулдаг хороотой байна. Хороо нь ёс зүй зэрэг бүх зүйлээ шалгаруулж тодруулна. Намын төлөөллийн байгууллага журам гаргана" гэсэн саналыг хуулийн төсөл тусгасан гэв. 

Боловсролын ерөнхий хуулийг хэлэлцэж байгаатай холбоотой англи хэлийг хуульчлах асуудалд маргаан үүссэн. Үүнтэй холбоотой МАН-ын бүлгийн дарга Д.Тогтохсүрэн: 

-ҮАБЗ-ийн зөвлөмжид англи хэлийг  хуульд заавал тусгах хэрэггүй, хөтөлбөрөөрөө явах нь зүйтэй гэсэн  байсан. 

 УИХ-ын гишүүн М.Оюунчимэг: 

-Англи хэлтэй холбоотой заалт ҮАБЗ-тэй холбоогүй. Олон улсын жишиг стандарт байдаг. Бүх улс орон боловсролынхоо бодлогод үндэсний хэлээ голлодог. Тиймээс бид Боловсролын ерөнхий хуульд үндэсний хэлээ зааж, хөтөлбөрт гуравдугаар ангиас англи хэл заахаар тусгасан хэмээв. 

Н.Нягт