У.Хүрэлсүх: Дэлхийн энхтайвны үйл явцад эмэгтэйчүүдийн манлайлал, хичээл, зүтгэл нэн чухал

Гадаад хэргийн эмэгтэй сайд нарын уулзалт Төрийн ордонд эхэллээ. Уулзалтын нээлтэд Монгол Улсын Ерөнхийлөгч У.Хүрэлсүх нээж, үг хэлж байна. Тэрбээр:

-Энхтайваны үйл явцад эмэгтэйчүүдийн нөлөөллийг таниулахад хувь нэмрээ оруулна гэдэгт итгэлтэй байна. Дэлхийн энхтайвны үйл явцад  эмэгтэйчүүдийн манлайлал, та бүхний хамтын ажиллагаа, хичээл, зүтгэл нэн чухал болохыг онцлон тэмдэглэе.

Монгл Улс дэлхийн уур амьсгалын өөрчлөлтөд өртөж байгаа орон. Тиймээс бид цөлжилттэй тэмцэж, Тэрбум мод үндэсний хөдөлгөөнийг өрнүүлэн ажиллаж байна.

НҮБ-ын 2021 оны судалгаагаар дэлхийн хүн амын 3/1 орчим нь хүнсний эрсдэлд ороод байна. Монгол Улс тогтвортой хөгжлийн зорилтыг ханган хэрэгжүүлэх зорилгоор "Эрүүл Монгол хүн" үндэсний хөтөлбөрийг хэрэгжүүлж байна. 

Эмэгтэйчүүдийг чадавхижуулж, хөдөө, аж ахуйн бүтээгдэхүүнийг нэмэгдүүлэх хэрэгтэй.

Жендэрийн тэгш байдлыг хангаж, тэгш эрхийг хамгаалах нь ардчиллын салшгүй хэсэг. Гэр бүлд эмэгтэйчүүдийн үүрэг оролцоо онцгой чухал байдгийн адил хүн төрөлхтний хөгжилд эмэгтэй удирдагчдын оролцоо салшгүй чухал  байдаг.

Та бүхэнд амжилт хүсье. Манай сайхан оронд тавтай морилохыг урьж байна хэмээв. 

Н.Энх