Байгалийн хийн ханшид дээд хязгаар тогтоох санаачилгыг Норвеги улсын Газрын тос, эрчим хүчний яам эсэргүүцлээ. Яамны хэвлэлийн төлөөлөгч Стайн Гримсруд “Хэрвээ дээд хязгаар тогтоовол Европт тулгамдсан байгалийн хийн хомстолыг улам хурцатгана. Цаашлаад тогтвортой байдалд заналхийлнэ” гэжээ.
Еврокомисс байгалийн хийн ханшийг бууруулах зорилгоор дээд хязгаарыг санал болгосон. Норвеги улс ОХУ-ын цэнхэр түлшний нийлүүлэлтийг орлох гол орнуудын нэг. Тус улсын Засгийн газар хийн олборлолтоо 2021 онтой харьцуулахад нэмэгдүүлэхийн тулд далайн гүн дэх долоон цооногийг ашиглах зөвшөөрлийг компаниудад олгожээ. Улмаар Евро бүсийн орнуудад 122 тэрбум шоо метр цэнхэр түлш нийлүүлэхээр төлөвлөж байна.
Варшавт байгалийн хий нийлүүлэх Балтийн хоолойн нээлтийн үеэр Польшийн Ерөнхий сайд Матеуш Моравецки “Энэ төслийг “Умардын урсгал 1” болон “Умардын урсгал 2” хоолойг эсэргүүцэн барьсан” гэдгийг онцолсон. “Известия” сонинд бичсэнээр Балтийн хоолойгоор 10 тэрбум шоо метр байгалийн хий дамжуулах хүчин чадалтай аж. “Умардын урсгал 1” болон “Умардын урсгал 2” хоолойн нийт хүчин чадал 110 тэрбум шоо метр байсан юм.
Х.Заяа
°C