Үндэсний их баяр наадмын амралтын өдрүүдэд Гэмтэл согог судлалын үндэсний төвийн Хүлээн авах яаралтай тусламжийн тасагт осол гэмтлийн шалтгаанаар нийт 4796 хүн тусламж үйлчилгээ авчээ. Үүнээс том хүн 2946, 0-18 насны хүүхэд 1850 байна.
Баяр наадмын өдрүүдэд зам тээврийн ослын улмаас 530 хүн яаралтай тусламж авсан нь нийт яаралтай тусламжийн 11хувийг эзэлж байна.
Түүнчлэн мориноос унаж гэмтсэн тохиолдол нийт 150 байгаа бөгөөд 66 нь хүүхэд байна. Үүн дотор уралдааны мориноос унасан 21 хүүхэд байна.
Мөн ахуйн хүрээний архидалттай холбоотой зодоон цохион, гэр бүлийн хүчирхийлэлд өртсөн 56 хүн ГССҮТ-д тусламж үйлчилгээ авчээ. Үүнээс 0-16 насны хүүхэд 6 байна. Дээрх үйлчлүүлэгчдээс 14 нь аюулгүй байдлаа хамгаалуулсан бол, 4 нь хэвтэн эмчлүүлж байгаа юм.
Дашрамд дурдахад, 2022 оны долдугаар сард ГССҮТ-ийн Хүлээн авах яаралтай тусламжийн тасагт нийт 14.207 хүн тусламж үйлчилгээ авчээ. Үүнээс эрэгтэй 8307, эмэгтэй 5900 байгаа бол, 0-18 насны хүүхэд 5965 байна.
Эх сурвалж: ГССҮТ
°C
Сэтгэгдэл (0)
Сэтгэгдэл бичигдээгүй байна