“Хан Тайшир уулын аймаг 100 жил” сэдэвт эрдэм шинжилгээний хуралд Говь-Алтай аймгийн Засаг дарга О.Амгаланбаатарын илтгэлээр үргэлжилж байна. Тэрбээр Хан Тайшир уулын аймгийн 100 жилийн баяр наадам эрдэм шинжилгээний хурлаар үргэлжилж байгаа нь олон талын ач холбогдолтойг тодотголоо. Аймгийн Засаг даргын хувьд 100 жилийнхээ босгон дээр өнгөрсөн цаг хугацаанд үнэлэлт дүгнэлт өгөхөөс гадна ирээдүйн хөгжлийнхөө гарц, шийдлийг Алтайчууд энэ цаг үед тал бүрээс нь ярилцаж, зөвлөлдөх улмаар аймаг орон нутгийнхаа хөгжлийг тодорхойлох учиртайг онцлов.
Говь-Алтай аймаг хөгжлөөрөө улсын хэмжээнд доогуурт тооцогдох болсны учир шалтгааныг дор бүрнээ тунгааж бодож, үүнд үнэлэлт дүгнэлт өгч, цаашид хөгжлийнхөө хэмжээгээр тэргүүлэх аймгийн тоонд багтах учиртайг Засаг дарга онцоллоо. Уугуул нутгаа хөгжүүлэхийн тулд хүн бүрийн хүчил зүтгэл хэрэгтэй төдийгүй хандлагын өөрчлөлт чухал гэдгийг ч тухайлан тодотгов.
М.Өнөр
Сэтгэгдэл (0)
Сэтгэгдэл бичигдээгүй байна