Хан Тайшир уулын аймаг байгуулагдсаны 100 жилийн ойд зориулсан “Говь-Алтай аймгийн түүхийг өгүүлсэн дөрвөн боть” номын нээлт боллоо. Говь-Алтай аймгийн Засаг дарга О.Амгаланбаатар тус шинэ ном, бүтээлийг нээж үг хэлэв.
Эдгээр боть номыг МУБИС-ийн Түүхийн тэнхимийн дэд профессор, түүхийн ухааны доктор Д.Баярсайхан, МУБИС-ийн түүхийн ухааны доктор Н.Сүхбаатар нар хамтран бичжээ. Ардын багш Ж.Дүгэр энэ үеэр өөрийн бичсэн “Алтайн алдартнууд” номоо мөн олны хүртээл болголоо. Эдгээр шинэ ном, бүтээлийн нээлтэд ЗГХЭГ-ын дарга Д.Амарбаясгалан, Соёлын сайд Ч.Номин, Монгол Улсын Ерөнхийлөгчийн Хуулийн бодлогын зөвлөх А.Бямбажаргал нар хүрэлцэн ирж, оролцсон юм.
Энэ үеэр УИХ-ын гишүүн, Аюулгүй байдал, гадаад бодлогын байнгын хорооны дарга Б.Энхамгалан Аймгийн музей, аймгийн Архивын газарт Монголын үндэсний төв архивт хадгалагдаж буй Засагт хан аймгийн түүхийн баримт бичиг, Халхын Засагт ханы тамга, ном, Засагт ханы тамганы дардас, Богд ханы эх зарлигийн хуулбарыг гардуулан өглөө.
М.Өнөр
°C
Сэтгэгдэл (2)