Нийслэлийн Хан-Уул дүүргийн 18 дугаар сургуулийн зургадугаар ангийн 21 сурагч бөөлжиж, суулгасан гэх зовууртайгаар эмнэлгийн тусламж авчээ.
Тус дүүргийн 18 дугаар сургууль “Монгол бизнес” дээд сургуулийн байранд хичээллэж байсан байна. Тэд өнөөдөр 16:00-17:00 цагийн орчимд бөөлжиж, суулгасан гэх эмнэлзүйн шинжтэй эмнэлэгт хандсан бөгөөд Нийслэлийн эрүүл мэндийн газар, цагдаагийн байгууллагаас очиж шалгалтын ажиллагааг эхлүүлсэн байна.
Урьдчилсан байдлаар ангийг битүүмжилсэн бөгөөд шингэлүүлсэн хий \газ\ үнэрлэсэн байх магадлалтай гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ. Зүрх нь дэлссэн гэх дөрвөн хүүхдийг ЭХЭҮМТ-д хүргэсэн бөгөөд бусад хүүхдийг эцэг, эх асран хамгаалагчид хүлээлгэн өгсөн байна.
Э.Сонор
°C
Сэтгэгдэл (0)
Сэтгэгдэл бичигдээгүй байна