Дархан хот үүсэн байгуулагдсаны 62 жилийн ой өнөөдөр тохиож байна. Ойн өдрийг тохиолдуулан өчидөр Дархан хотын 24 дүгээр цэцэрлэгийн бэлтгэл бүлгийн хүүхдүүд ЗДТГ-аар зочлон аймгийн Засаг дарга Б.Азжаргал болон ИТХ-ын дарга С.Насанбаттай уулзлаа.
Тус цэцэрлэг нь энэ хичээлийн жилээс эхлэн шинэ сургалтын технологийг хэрэгжүүлж байгаа бөгөөд энэ нь аялал дээр суурилсан мэдлэг бүтээх онцлогтой сургалт. Сургалтын хүрээнд өнөөдөр хүүхдүүд Дархан хотоороо аялж яваа нь энэ юм.
Тэд өөрсдийн хийсэн бүтээлээрээ бэлэг барьж мөн Аймгийн Засаг дарга Б.Азжаргал хүүхдүүдэд Өргөө кино театрт хүүхэлдэйн кино үзэх эрх, Хүүхдийн паркд үнэ төлбөргүй тоглох эрхийг бэлэглэлээ.
Нийт 2 бүлгийн 64 хүүхэд, бүлгийн 4 багш, хөгжмийн багш эмчийн хамтаар зочиллоо. Ингээд Дархан хотын сүлд дууг эгшиглүүлэн уулзалтыг сэтгэл дүүрэн өндөрлүүллээ.
°C
Сэтгэгдэл (0)
Сэтгэгдэл бичигдээгүй байна