Сэлэнгийн өнөөдөр

Сэлэнгэ аймаг орон нутгийн иргэдийн болон шилжин ирэх иргэдийн амьдралын чанарыг дээшлүүлэх, ая тухтай амьдрах нөхцөлийг бүрдүүлэн ажиллаж байна.

Аймгийн хэмжээнд 2023 онд улсын төсвийн 139.3 тэрбум төгрөг, орон нутгийн төсвийн 25.9 тэрбум төгрөгийн бүтээн байгуулалтын ажлуудыг хийгээд байна. 

 Аймгийн төв Сүхбаатар сумын гурван байршилд төр, хувийн хэвшлийн түншлэлээр 12 давхар 77 айлын орон сууц, долдугаар багт 12 давхар бүхий гурван блок 336 айлын орон сууц “Сүлд өргөө” хотхон, дөрөвдүгээр багт 600 айлын орон сууц “Сэлэнгэ мөрөн” орон сууцны барилгын төслийг эхлүүлсэн нь манай аймагт ажиллаж, амьдрах иргэдийг ая тухтай орон сууцаар хангагдах нөхцөл бүрдэж байна.

Сүхбаатар суманд 50МВТ, Мандал суманд 50МВТ-ын дулааны цахилгаан станц барьж, импортын эрчим хүчний хэрэглээг бууруулах, байгаль орчинд ээлтэй, шинэ техник технологиор цахилгаан, дулаан үйлдвэрлэж цахилгаан, дулаан хангамжийн үнийг бууруулж, шинээр 376 ажлын байр бий болгоно.

Засгийн газрын тогтоолоор “Дархан-Сэлэнгийн авто замаас Шаамар-Зүүнбүрэн-Цагааннуур-Түшиг-Зэлтэрийн боомт чиглэлийн 120.85 км хатуу хучилттай авто замыг барьж, ашиглалтад орууллаа. 

Сүхбаатар суманд дөрвөн эгнээ 0.6 км авто замыг ашиглалтад орууллаа.

Боомтын сэргэлтийн бодлогын хүрээнд Алтанбулаг-Замын-Үүд чиглэлийн 987 км хурдны зам барих, ОХУ-БНХАУ байгалийн хий дамжуулах хоолой барих зэрэг томоохон бүтээн байгуулалтын ажлуудыг хийхээр тусгасан нь манай аймгийн зам тээвэр, аялал жуулчлалын салбарын хөгжилд жинтэй хувь нэмэр оруулна гэсэн өөдрөг төсөөлөлтэйгөөр ажиллаж байна.

ОХУ, БНХАУ-ын ӨМӨЗО, Япон, АНУ, Япон, Бүгд Найрамдах Солонгос улс, Их Британи, Кувейт, Бүгд Найрамдах Энэтхэг улс, Канад улстай хамтын ажиллагаатай ажиллаж байна. 

ОХУ-ын Бүгд Найрамдах Буриад улсын Засгийн газартай хамтран Хиагт районы Ерөнхий боловсролын IV сургуульд 22 суралцагч үнэ төлбөргүй суралцах бүх нөхцөлөөр ханган ажиллаж байна.

Ерөө голыг түшиглэн 10МВТ хүчин чадалтай бага оврын усан цахилгаан станц, дулааны станц байгуулна. 

Беларусь улсын 541.500 мянган еврогийн трактор, тоног төхөөрөмжийг зээлээр 19 иргэн, ААН-д олгосон. Азийн хөгжлийн банкны 4.24 тэрбум төгрөг, Японы улсын 1.5 тэрбум төгрөгийн хөрөнгөөр арван ААН-д ХАА, ХДҮ-ийн чиглэлээр зээл олгосон байна.

 Сайхан сумыг баруун бүсийн сумдын тулгуур төв болгон барилгын материалын үйлдвэрлэлийг түлхүү хөгжүүлж, шохойн чулуун ордыг түшиглэн шохойн чулуу болон замаскны үйлдвэр, цементийн үйлдвэрийг түшиглэн бетон хийцийн үйлдвэрүүдийг байгуулна.

 Бүсийн төвүүд болон томоохон сумдад хүнсний ногооны 500-1000 тн багтаамжтай зоорийг барих бодлого баримтлан 2024 оны улсын төсөвт 10.4 тэрбум төгрөгийн санхүүжилтийг тусгуулаад байна. 

Цаашид улсын хүнсний ногооны хэрэгцээг 100 хувь хангах зорилго тавин ажиллаж байна.