Социал демократ Монголын Залуучуудын Холбоо 2023 оны онцлох ажлууд

Ази номхон далайн Социал демократ залуучууд ТЭРБУМ МОД үндэсний хөдөлгөөнд нэгдлээ.  2023.10.26

ОЛОН УЛСЫН Социал демократ залуучууд Бүс нутгийн цаг уурын өөрчлөлтийн эсрэг нэгдэж, Монголд чууллаа.  2023.10.25-29

"Шинэ сэргэлт" уран илт­гэлийн үндэсний аварга шал­гаруулах тэмцээн зохион байгууллаа.  2023.04.02

БНСУ-ын Ардчилсан намын дэргэдэх Залуучуудын холбоотой хамтран ажиллаж залуучууд солилцооны хөтөлбөрийг хэрэгжүүлж байна. Хамтын ажиллагааны хүрээнд БНСУ-ААС 15 ЗАЛУУ Монголд хүрэлцэн ирж хамтарсан олон улсын сургалтад хамтрагдлаа.  2023.06.05 

Монгол Улсын Ерөнхийлөгчийн санаачилсан “Тэрбум үндэсний хөдөлгөөн”-ийг дэмжиж “Моддоо усалья” хаврын цэнэг усалгааны аяныг санаачлан 21 аймаг, есөн дүүргийн хэмжээнд зохион байгууллаа.  Аяны хүрээнд 19.000 модонд хаврын цэнэг усалгаа хийлээ.  2023.04.15-05.10

Монгол Улсын Үндсэн хуульд нэмэлт, өөрчлөлт оруулах хуулийн төслийг олон нийтэд тайлбарлан ойлгуулах зорилгоор ЯАГААД 152 ГЭЖ цуврал хэлэлцүүлгийг зохион байгууллаа.  2023.05.01-17

Тэгш хүртээмжийг бий болгох зорилгоор "ABILITY EXPO 2023" арга хэмжээг төр, хувийн хэвшлийн байгууллагуудтай хамтран зохион байгуулллаа. Экспоны хүрээнд хөгжлийн бэрхшээлтэй бизнес эрхлэгчдийн бараа, бүтээгдэхүүн үйлчилгээний үзэсгэлэн худалдаа, ажлын байрны өдөрлөг, хби-д илүү хүртээмжийг бий болгоход чиглэсэн технологиудын үзэсгэлэн, бодлогын панел хэлэлцүүлэг, параолимпын спортуудын холбоодын үзүүлэх тоглолт гэх мэт бүх талын оролцоо, хүртээмжийг хангахыг хичээн эрмэлзсэн хөгжлийн бэрхшээлтэй иргэдэд урам дэм өгч, идэвхжүүлэхэд чиглэсэн үйл ажиллагаа боллоо.  2023.11.26

Opportunity-Дэлхийн шилдэг их, дээд сургуулиудад "хэрхэн тэтгэлэгтэй суралцах вэ?" Залуучуудад зориулсан өдөрлөгийг зохион байгууллаа. Өдөрлөгт зочноор Харвардын их сургууль, Колумбын их сургуульд тэтгэлэгтэй суралцаж буй Бразил, Доминикан, Монгол, Чили, Энэтхэг, Индонез улсын иргэд Монгол Улсад хүрэлцэн ирж оролцлоо.  2023.06.05

Социал демократ залуучуудын санаачилга, санхүүжилтээр Булган аймгийн Гурванбулаг суманд  3га газарт мод бут, сөөг, модлог ургамал тарьж, залуучууд, сурагчдад зориулсан экологийн боловсрол олгох хөтөлбөр хэрэгжиж байна. 

2023.09.23

СДМЗХ-ны дэргэдэх SDY сангийн санаа­чилгаар, БНХАУ-ын хөрөнгө оруулалтын 500 САЯ төгрөгийн санхүүлтээр  Эх нярай эмэгтэйчүүдийн үндэсний төвийн хүүхдийн эрчимт эмчилгээний тасгийг, Хөгжлийн бэрхшээлтэй хүүхдийн сэргээн засах хөгжлийн төвд хөгжлийн бэрхшээлтэй хүүхдийн хөгжил, оролцоог дэмжих ая тухтай орчин бүрдүүлэх зорилготой Хөгжихүй төслийг, "Анүүлэн аз жаргал" цэцэрлэгийн мэдрэхүйн өрөө болон биеийн тамирын өрөөг тохижуулах төслийг тус тус хэрэгжүүллээ. 

Бага хурлын VI, VII хуралдааныг танхимаар зохион байгууллаа. Бага хурал, Удирдах зөвлөлийн бүрэлдэхүүний 31 хувь, Бага хурлын  35 хувь  нь эмэгтэй гишүүд болов. Мөн холбооны ЕНБД-аар Б.Галсанг сонгож, Удирдах зөвлөлд 1999 оны залуучууд, Бага хурал 1992-1999 оны залуучуудаар эгнээгээ тэллээ. 

2023 онд  "Монголын үнэн" сонинтой хамтран 14 дугаар, 36 хэвлэлийн нүүр бүхий хэвлэмэл хуудсанд СДМЗХ-ны мэдээ, мэдээллийг нийтлэн холбооныхоо үйл ажиллагааг олон нийтэд сурталчиллаа.

SDY academy Training of  trainer сургагч багш бэлтгэх хөтөлбөрийн хүрээнд 21 аймаг, 9 дүүргийн социал демократ залуучуудын төлөөлөл болсон 92 СУРГАГЧ БАГШИЙГ бэлтгэлээ.