Францын Ерөнхийлөгч Эммануэль Макрон шинэ засгийн газар байгуулах асуудлаар улс төрийн намуудын төлөөлөлтэй уулзжээ. Тус улсын Ерөнхий сайд Мишель Барниер огцрох өргөдлөө Ерөнхийлөгч Макронд өргөн барьсан шалтгаан нь Үндэсний ассамблей (парламентын доод танхим) Засгийн газарт итгэл үл үзүүлэх тухай хуулийн төслийг баталж, импичмент зарласантай холбоотой. Улмаар Ерөнхийлөгч Макрон хэт зүүний болон хэт барууны намуудыг Бүгд найрамдах улсын эсрэг фронт байгуулан, Засгийн газрыг огцруулах шийдвэр гаргасан хэмээн шүүмжилсэн. Тэрбээр Ерөнхий сайдад нэр дэвшигчийг шууд зарлаагүй. Шинэ Засгийн газар нь улс төрийн хүчнүүдийн хамтын ажиллагаанд тулгуурлаж, тогтвортой байдлыг хангах ёстойг Ерөнхийлөгч онцолжээ. Мөн улс төрийн хүчнүүд Засгийн газарт итгэл үл үзүүлэх үйл ажиллагаагаа зогсооно гэдэгт найдаж буйгаа илэрхийлсэн байна.
Эх сурвалж: Монголын үнэн сонин №047/24626/
°C
Сэтгэгдэл (0)
Сэтгэгдэл бичигдээгүй байна