УИХ-ын Эдийн засгийн байнгын хорооны өнөөдрийн /2025.01.14/ хуралдаанаар Санхүүгийн зохицуулах хороо /СЗХ/-ны даргад нэр дэвшигчээр томилгооны сонсгол зохион байгууллаа. СЗХ-ны даргын бүрэн эрхийн хугацаа дууссан тул УИХ-ын дарга Д.Амарбаясгалангийн зүгээс тус хорооны даргад олон улсын эрх зүйч мэргэжилтэй Т.Жамбаажамцыг нэр дэвшүүлээд байгаа юм. Түүний хувьд 1982 онд Баянхонгор аймгийн Баянхонгор суманд төрсөн. МУИС-ийн Хууль зүйн сургуулийг Олон улсын эрх зүйч мэргэжлээр, СЭЗИС-ийг бизнесийн удирдлагын магистраар тус, тус төгссөн. 2007-2009 онд СЗХ-ны Үнэт цаасны газрын мэргэжилтэн, 2009-2011 онд СЗХ-ны Үнэт цаасны газрын хянан шалгагч, 2011-2013 онд СЗХ-ны ахлах хянан шалгагч, 2013-2014 онд СЗХ-ны Хөрөнгийн зах зээлийн бодлого төлөвлөлтийн хэлтсийн дарга, 2014-2015 онд СЗХ-ны Үнэт цаасны газрын дарга, 2015-2016 онд СЗХ-ны Хяналт шалгалтын газрын орлогоч дарга, 2016 оны наймдугаар сараас одоог хүртэл СЗХ-ны Ажлын албаны даргаар ажиллаж байгаа ажээ.
°C
Сэтгэгдэл (0)
Сэтгэгдэл бичигдээгүй байна