АНУ-ын Ерөнхийлөгчөөр сонгогдсон Дональд Трампын тангараг өргөх ёслол энэ сарын 20-нд болно. Ёслолд тус улсын нэр хүндтэй зочид төлөөлөгчид байлцдаг. Цагаан ордны шинэ тэргүүн тангараг өргөхдөө дэлхийн супер баячуудыг урьжээ. Тухайлбал, Элон Маск, Жефф Безос, Марк Цукерберг нар хүндэт зочдын хамт индэрт суух аж. Тэд 2024 оны сонгуульд Трампыг дэмжсэн. Ялангуяа Элон Маск Бүгд найрамдах намын сонгуулийн кампанит ажилд 250 гаруй сая ам.доллар хандивласан. Марк Цукерберг, Жефф Безос нарын компани Трампын тангараг өргөх ёслолын санд тус бүр нэг сая ам.доллар хандивласан байна. Элон Маск бизнесмэн Вивек Рамасвамитай хамтран Засгийн газрын үр ашигтай байдлын хэлтсийг удирдахаар болсныг хэвлэлүүд онцолсон. Энэхүү алба нь төрийн хүнд суртлыг арилгах, үргүй зардлыг бууруулахад анхаарч ажиллана.
°C
Сэтгэгдэл (0)
Сэтгэгдэл бичигдээгүй байна