Серби улсад гурван сар үргэлжилсэн эсэргүүцлийн жагсаалын дараа Ерөнхий сайд Милош Вучевич огцорлоо. Нови Сад хотод галт тэрэгний буудлын халхавч нурж 15 хүн амиа алдсаны дараа оюутнууд болон сөрөг хүчнийхэн цуглаан зохион байгуулсан. Ингэхдээ эрх баригчдыг авлигын хэрэг, төрийн албанд танил талаа тохоон томилж хайхрамжгүй байдал гаргасан гэж буруутгажээ. Нови Сад бол Сербийн хоёр дахь том хот. Галт тэрэгний буудлыг өнгөрсөн онд сэргээн засварласны дараа золгүй явдал болжээ. Өмнө нь Сербийн Ерөнхийлөгч Вучич оюутнуудыг гадаадын тагнуулын албаны захиалгаар Засгийн газрыг унагах зорилгоор жагсаж байгааг шүүмжилсэн. Уг мэдэгдэлд дургүйцсэн залуус нийслэл Белград хотын тээврийн гол уулзваруудыг 24 цагийн турш бүслэн хааж, Засгийн газраа огцрохыг шаардсан юм. Улмаар Ерөнхийлөгч Александр Вучич буулт хийн, Засгийн газраа яаралтай шинэчлэх төлөвлөгөөгөө зарлаад байна.
Эх сурвалж: Монголын үнэн сонин №004/24631/
°C
Сэтгэгдэл (0)
Сэтгэгдэл бичигдээгүй байна