Хятадын чатбот “ChatGPT”-ийг давлаа

БНХАУ-ын “DeepSeek” компани үнэ төлбөргүй чатбот гаргаж, Цахиурын хөндийн хөрөнгө оруулагчдыг сандаргалаа.  АНУ-ын “ChatGPT”-ийг олон үзүүлэлтээр илүүрхэж буй Хятадын хиймэл оюун ухааны “DeepSeek-R1” аппликейшн “Apple  Store”-ийн хамгийн өндөр үнэлгээтэй үнэгүй програм болжээ.  Улмаар хиймэл оюун ухааны салбарт АНУ  тэргүүлэгчийн байр сууриа алдахад хүрсэн. Хөрөнгийн зах зээлд ч үймээн самуун үүсгэн Америкийн технологийн “Nvidia” компанийн хувьцаа 10 хувиар уналаа. Хиймэл оюун ухаанд төвлөрсөн “SoftBank” группийн хувьцаа найман хувиар буурсан нь нэг өдрийн хамгийн том уналт юм. Шинэ чатбот нь хямд чип ашигладаг бөгөөд бага хэмжээний мэдээллийн санд суурилжээ. Хятадын тэрбумтан, “High-Flyer” хөрөнгө оруулалтын сангийн менежер Лиан Вэнфэн уг чатботыг үүсгэн байгуулжээ.”Deepseek” нь тус компаниас бүрэн санхүүждэг бөгөөд хөрөнгө оруулагчдыг татах төлөвлөгөөгүй байна.

 Эх сурвалж: Монголын үнэн сонин №004/24631/