Энэтхэгийн Засгийн газар “Адани”-гийн төслийг дэмжив

Энэтхэгийн “Адани” компани Пакистаны хилээс нэг километрийн зайд нарны зай хураагуур болон салхин үүсгүүр барьж эхэлжээ. Энэтхэг, Пакистаны хилийн асуудал эмзэг сэдэв. Хоёр улс дөрвөн удаа дайтаж байсан бөгөөд  үндэсний батлан хамгаалах протоколд Пакистантай хиллэдэг 10 километрийн зайд томоохон барилга байгууламж барихыг зөвшөөрдөггүй. Харин сэргээгдэх эрчим хүчний паркийг байгуулахын тулд Энэтхэгийн Засгийн газар протоколд нэмэлт өөрчлөлт оруулсан нь үндэсний аюулгүй байдлын асуудлыг хөндөж байна. “Адани” групп дэлхийн хамгийн том сэргээгдэх эрчим хүчний төсөл болох “Хавда” паркийг Гужарат мужид барьж байна. Тус конгломератыг тэрбумтан Гаутам Адани хянадаг бөгөөд Ерөнхий сайд Нарендра Модитой ойр холбоотой. АНУ-ын Засгийн газар түүнийг “Хавда” цогцолбороос сэргээгдэх эрчим хүч ашиглан олон сая ам.долларын хээл хахуулийн схемд оролцсон хэмээн буруутгаж байсан. “Адани” групп нь Энэтхэгийн өсөн нэмэгдэж буй ногоон эрчим хүчний салбарт ноёрхогч, сэргээгдэх эрчим хүчний амбицын гол цөм нь юм. 

 Эх сурвалж: Монголын үнэн сонин №005/24632/