Арктикийн арлыг авах Цагаан ордны шинэ тэргүүний амлалтын эсрэг тэмцсэн Гренландын сонгуулиар баруун төвийн Ардчилсан нам суудлаа гурав дахин нэмэгдүүлснээр Засгийн газраа иж бүрэн шинэчлэх эрхтэй боллоо. Ардчилсан нам урьд өмнө хэзээ ч ийм олон суудал авч байгаагүй. Тэд арлыг Даниас тусгаар байлгахын төлөө тэмцдэг. Тиймээс Даниас салан тусгаарлах үйл явцыг нэн даруй эхлүүлж, АНУ-тай ойр дотно харилцаа тогтоохыг хүссэн сөрөг хүчин “Налерак” нам 25 орчим хувийн саналтайгаар хоёрдугаарт бичигджээ.
Ерөнхий сайд Муте Эгедэгийн тэргүүлдэг, тусгаар тогтнолыг дэмжигч “Inuit Atakwatigiit” гуравдугаарт бичигдэж байна. Хойд мөсөн далайг Атлантын далайтай холбосон дэлхийн хамгийн том арал болох Гренланд нь 300 орчим жилийн турш Данийн хяналтад байсан. Хэдийгээр дотоод асуудлаа бие даан зохицуулдаг ч гадаад болон батлан хамгаалах бодлогын шийдвэрийг Копенгагенд гаргадаг. 57 мянган оршин суугчтай тус арлын стратегийн байршил, ашигт малтмалын баялаг улс орнуудыг татдаг юм. Дональд Трамп бүрэн эрхийн хугацаагаа эхлүүлээд тус газар нутгийг АНУ-д нэгтгэх бодолтойгоо илэрхийлсэн.
Эх сурвалж: Монголын үнэн сонин №009, 010/24636, 24637/
°C
Сэтгэгдэл (0)
Сэтгэгдэл бичигдээгүй байна