Монгол Улсын сайд, Түгжрэлийг бууруулах үндэсний хорооны дарга Ж.Сүхбаатар хүйтний эрч чангарч, томуу, томуу төст өвчин ихсэж байгаатай холбогдуулан сургууль, цэцэрлэгийг онлайнаар хичээллүүлэх саналыг нийслэлийн Засаг даргад хүргүүлсэн. Энэ талаар БШУ-ны сайд Л.Энх-Амгалангаас тодруулахад:
-Ерөнхий боловсролын сургуулийн нэгдүгээр улирлын хичээл 12 дугаар сарын 16-ны баасан гарагт хичээллэснээр дуусгавар болно. Нэгдүгээр улирлын амралт зургаан 7 хоногийн турш үргэлжилнэ. Амралт тун удахгүй эхлэх гэж байгаа учраас ирэх долоо хоногт цаг агаар хүйтрэх, үүнээс үүдэлтэй түгжрэл нэмэгдэх зэрэг шалтгааны улмаас хичээл сургалтын үйл ажиллагааг зогсоох боломжгүй юм.
Цар тахлын нөхцөл байдлын үед сургуулиуд хангалттай урт хугацаанд үйл ажиллагаагаа зогсоосон. Зайн сургалт нь танхимын хичээлийг нөхөхүйц үр дүнтэй байж чадаагүй. Тиймээс аль болох сургууль хаах, хичээлийг зогсоох шийдвэрээс татгалзана. Ковид, томуу, түгжрэл эхлэхээр сургууль хаах нь хуучинсаг сэтгэлгээ гэж би харж байна. гэлээ.
Н.Нягт
°C