Төв аймгийн Сэргэлэн сумын Хөшиг багийн “Манзуширын хийд” гэдэг газар нэгдүгээр сарын 1-ний өдөр иргэн Г, О нар “Богд хан-Уул”-ын оргил “Цэцээ гүн”-ийн чиглэлд алхалт хийжээ. Тэд буцах замдаа төөрч, иргэн О-ын бие нь өвдөж явж чадахгүй болсон байна.
Дуудлагын дагуу Онцгой байдлын албан хаагчид тухайн хоёр иргэний байршлыг “What3words” аппликэйшинээр тодорхойлсноор очиход байгаагүй тул эрэн хайх ажиллагааг эхлүүлжээ. Эрэн хайх ажиллагааг зохион байгуулах явцад нийслэлийн Баянзүрх дүүргийн харьяат иргэн Г /37 настай, эрэгтэй/ өөрөө уулнаас эсэн мэнд бууж, “Цэцээ гүн” амралтын газар ирсэн байжээ. Харин иргэн Э.Одбаяр /37 настай, эрэгтэй/-ын цогцсыг 00:44 цагт “Өгөөмөрийн-Ам” гэдэг газраас олж, Цагдаагийн байгууллагад шилжүүлэн өгсөн байна.
Э.Сонор
°C