Гандантэгчэнлин хийдийн тэргүүн их хамба Д.Чойжамц "Үзэсгэлэн болгогч" хэмээн усан туулай жилийн Сар шинийн мэндчилгээ дэвшүүллээ. Гандантэгчэнлин хийдийн тэргүүн их хамба Д.Чойжамц :
XVII жарны "Үзэсгэлэн болгогч" туулай жил гарч байна. Туулайг хөнгөн, уян, зөөлөн гэж монголчууд бид бэлгэшээдэг, сайхан жил гарч байна. Шинэ жил гарна гэдэг бидний цаг хугацааны үргэлжлэл. Ард иргэд, сүсэгтэн олон өнгөрсөн хугацаанд өөрийн амьдралдаа ямар сайн сайхан зүйл хийсэн тэр нь үргэлжилнэ. "Үзэсгэлэн болгогч" хэмээх ёгт нэрний утгийг Цагаан лянхуа сударт "Энэ жил төрсөн хүүхэд үзэсгэлэнтэй, ухаан төгөлдөр, буян хийгээд сайн үйлсэд хичээгч нэгэн болно" гэж тайлбарласан байна.
Энэ жилд цаг агаар сайхан байна гэж зурхайд тэмдэглэжээ. Дээдэст сайн, дунд улсуудад дунд зэрэг, нялхаст жаахан тиймхэн байна. Залуу гэр бүлд төрөлт арвижихын шалтгаан байна. Хавар хийгээд дөрвөн улирлын эхээр хуртай, хүйтэн байна. Хуучны нэрээр бадгана өвчнөөс сэргийлж, хувцас хунараа анхаараарай. Жилийн төлөв сайн байгаа хэмээн айлтгав.
°C